Radio jurnaliSTİKA

SAB-REDAKTOR
Xəbərlərin prodüseri
lazım gələrsə, bülleten 
redaktoru kimi davranmaq səlahiyyətinə malikdir 
və çox zaman onunla birlikdə fəaliyyət göstərir, 
bülleten redaktorunun işi çox olduğunda onun 
funksiyalarından bəzilərini üzərinə götürür. Ancaq 
əsas işləri müsahibə götürülməsindən, səsləndirmə, 
audio paket hazırlanmasına kimi dəyişir. Xəbərlərin 
prodüserinin ondan vəzifəcə daha kiçik yayım 
jurnalisti və ya reportyordan əsas fərqi odur ki, 
xəbərlərin prodüseri redaksiya strategiyası ilə 
bağlı qərarları almaq, xəbərləri ümumiləşdirmək və 
mövqeləri icmal etməklə məşğuldur. Eyni zamanda 
reportyorların buraxdığı səhvlər məhz prodüser 
tərəfindən aradan qaldırılır.
Prodüserin üç əsas vəzifəsi var: 
1. Ayrı-ayrı süjet və paketlərin tam, dolğun 
hazırlandığına və redaktorun tələblərinə 
cavab verdiyindən, istənilən əvvəlcədən 
yazılan materialın yaxşı səs keyfiyyətinə malik 
olduğundan əmin olmaq,
2. Hər bir xəbər və ya paketin zamanlamasının 
doğru olduğundan, bülletenin nəzərdə 
tutulduğundan uzun və ya qısa çıxmayacağından 
əmin olmaq,
3. Artıq gündəmdən düşən xəbərlərin efirdə 
səslənməməsini təmin etmək.
Radio prodüseri eyni zamanda birbaşa efirlərin 
qonaqlarının vaxtında studiyada olması, xarici 
mənbələrin istənilən anda cavab verməsini 
(reportyorların yerində olması, telefon əlaqəsinin 
təmin edilməsi, canlı bağlantıların daima nəzarətdə 
olması) təmin etməlidir. 
Digər məsələlər:
Bütün kontentə ümumi istiqamətin verilməsi, 
həm canlı, həm də yazılmış proqramların istehsal 
prosesinin bütövlükdə idarəsi, orijinal ideyaların 
formalaşdırılması, kollektivin irəli sürdüyü idealar 
arasında orijinal olanların seçilməsi, onların radionun 
strategiyasına uyğunlaşdırılması elə prodüserin 
öhdəsinə düşür.