Рақамли илмий кенгаш андижон машинасозлик институти мухтаров махмуджон марифович

1-расм. Андижон вилояти саноат корхоналарининг ишлаб чиқариш ҳажмида шаҳар ва туманларнинг улуши¹⁷.
Саноат маҳсулотлари ишлаб чиқарилишида энг кам улуш асосан Булоқбоши, Бўстон ва Улуғнор туманларига тўғри келган. Бу туманларда саноат корхоналари сони кам бўлиб, асосан саноат маҳсулотлари пахта заводлари ҳисобига яратилмоқда. Бу ҳудудларга саноатни олиб кириш ва қишлоқ хўжалиги маҳсулотларини қайта ишлашни кенгайтириш зарур. Чунки бу ҳудудларда ресруслар таъминоти имконияти юқори ҳисобланади.
Вилоят иқтисодиётида саноат тармоғини ривожлантиришда тўқимачилик саноат корхоналари аҳамияти юқори бўлиб, саноат маҳсулотлари таркибида ҳам салмоқли ўринни эгаллайди. (2-жадвал)
2-жадвал
Тўқимачилик ва тайёр кийим маҳсулотларини жами саноат маҳсулотларидаги улуши ¹⁸

Йиллар	Тўқимачилик маҳсулотлари бўйича	Тайёр кийим маҳсулотлари бўйича
2011 йил	8,5	1,6
2015 йил	14,6	2,3
2020 йил	8,3	5,8
2021 йил	14,7	8,9

Вилоят саноат маҳсулотлари такибида тўқимачилик маҳсулотларини 2015 йили 14,6 фоизга тенг бўлган бўлса, 2021 йили 14,7 фоизни ташкил этган. Саноат корхоналари томонидан тайёр кийим маҳсулотлари ишлаб чиқариш ҳажмини ортиши 2021 йили 8,9 фоизга тенг бўлиб, бу 2011 йилга нисбатан 5,5 баробарга ва 2015 йилга нисбатан 3,9 баробарга ортган. Вилоят иқтисодиётининг хом ашё, моддий ресурслар ва меҳнат ресурслари юқорилигини инобатга олган ҳолда кўп ресурс талаб қиладиган (моддий ресурс ва меҳнат сиғими юқори) корхоналарни ривожлантириш иқтисодий ўсишни таъминлаш имкониятини яратади. Шунинг учун вилоятда тўқимачилик саноати корхоналари фаолиятида ишлаб чиқаришни диверсификациялаш зарур ҳисобланади.
Тадқиқот даврида Андижон вилоятида фаолият кўрсатаётган айрим тўқимачилик саноат корхоналарида ишлаб чиқариш қувватидан фойдаланиш самарадорлигини ошириш кўрсаткичлари корхоналар инновацион ривожланиш йўлидаги стратегик мақсадларга эришишни таъминловчи асосий омил эканлигини номоён бўлади (3-жадвалга қаранг).