Qurilish materiallari korxonalar iqtisodiyoti

7.2.Korxonani tashkil etish qoidalari.

Avvalom bor, korxonaning o’zi mulk shakli qanday bo’lishidan qat’iy nazar o’rnatilgan fuqarolik qonunlari, turli tashkiliy-huquqiy va me’yoriy qoidalarga asoslanadi.

Odatda, yangi korxona tashkil etish o’ziga xos bir necha bosqichlardan iborat bo’ladi:

1.Yangi korxonani tashkil etish g’oyasini asoslash (ya’ni, aniq bir maxsulot turini ishlab chiqarish, xizmat ko’rsatish);

2.Yangi texnologiya va vositalarni, hamda mehnat resurslaridan foydalanish imkoniyatlarini o’rganish;

3.Iste’molchilar talabini qondirish maqsadida bozorni o’rganish;

4.Ishlab chiqarish uchun zarur bo’lgan ta’minotchilarni tanlash;

5.Korxona ta’sischilarini aniqlash;

6.Ustav kapitalini shakllantirishning moliyaviy manbalarini aniqlash;

7.Ta’sis hujjatlarini ishlab chiqish;

8.Korxonani davlat ro’yxatidan o’tkazish;

9.Muhr va shtamplarni tayyorlash;

10.Davlat soliq idoralaridan ro’yxatdan o’tish;

11.Bankda hisob raqamini ochish, bank bilan shartnoma tuzish.