Qodiriy nomidagi jizzax davlat

Savol va topshiriqlar:

• 
  Hikoya va ertakning o‘ziga xos xususiyatlari haqida nimalarni bilasiz?
  
• 
  O‘zingiz o‘qigan hikoyalardagi voqealarga real hayotda duch kelganmisiz? Fikrlaringizni bayon eting.
  
• 
  Ertak qahramonlariga xos qanday xislatlarni o‘zlashtirishni xohlaysiz?
  
• 
  Hikoya va ertaklarda uchraydigan detallarni tasvirlang (so‘z orqali, rasm orqali v.k.).
  
• 
  Shaxsiy kutubxonangizdagi kitoblardan bir nechta ertak va hikoya topib o‘qing va ularni o‘zaro taqqoslang.
  

18. She’riy nutqning xususiyatlari. She’rni tahlil qilish uslubiyati. She’rni o‘qitish darsida asosiy ish turi ifodali o‘qish ekanligi. Lirik she’rni o‘qishga tayyorlash
Tayanch tushunchalar: she’r, kechinma, ifodali o‘qish, band, she’r yodlatish, obrazli tasvir
She’rda insonning ichki kechinmalari, ya’ni his-hayajon, shodlik, qayg‘u-alam, go‘zal manzaralardan zavqlanish kabi hislari ifodalanadi.
Boshlang‘ich sinflarda she’rni o‘qitish orqali estetik did, havas tarbiyalanadi, ularning ma’naviy dunyosi boyitiladi. She’rning mazmunidan kelib chiqib, mehnatsevarlik, do‘stlik, vatanparvarlik hislari shakllantiriladi. Lirik she’rni o‘qish darsida asosiy ish turi his-hayajon bilan ifodali o‘qishdir. She’rni tahlil qilishda yana matn ustida ishlash ish turlaridan ham foydalaniladi.
She’rni o‘tish darsining qurilishi:
1. Kirish suhbati (“Qish”she’ri bo`lsa, qish fasli haqida suhbatlashiladi).
2. She’r ifodali o‘qiladi(I sintez).
3. She’rni qatorma-qator tahlil qilish – analiz.
4. She’rning tarbiyaviy tomoni yoritiladi (II sintez).
5. Lug‘at ustida ishlanadi.
6. She’r qayta o‘qitiladi.
7. She’r yuzasidan savol-javob o‘tkazish.
8. Tanlab o‘qitish.
9. Leksik va grafik tasvirlatish.
10. She’r bandlariga sarlavha tuzdirish.
11. She’rni yodlatish va yodlab kelishni topshirish.
Savol va topshiriqlar:

• 
  She’riyat nega insonga tez ta’sir ko‘rsatadi deb o‘ylaysiz?
  
• 
  Ifodali o‘qishda qanday qoidalarga amal qilish lozim?
  
• 
  Siz qaysi shoir she’rlarini sevib o‘qiysiz? Nima uchun?
  
• 
  She’r tahlilida nimalarga e’tibor qaratish kerak?
  
• 
  Yodlagan she’rlaringizdan bir nechtasini ifodali o‘qib, uning audio variantini yarating.