Qarshi davlat universiteti republic of uzbekistan ministry of higher and secondary edication

3. Windows 8.1 OS.
Windows 8.1 aslida MS Windows 8 operatsion sistemasining mantiqiy davomchisi sanaladi. Ma’lumki, Windows 8 operatsion sistemasi 2012-yilning oktabrida iste’molga chiqarilgan bo‘lib, u o‘zidan oldingi operatsion sistemalardan sensorli ekranlar bilan ishlash imkoniyatiga egaligi bo‘yi­cha alohida ajralib turadi. Windows 8.1 – operatsion sistemasi 2013-yilning oktabr oyida iste’molga chiqarilgan.
Demak, Windows 8 yoki Windows 8.1 operatsion sistemalari bilan nafaqat an’anaviy arxi­tekturali kompyuterlarda, balki sensorli ekran bilan ta’minlangan noutbuk, planshet kabi turli zamonaviy kompyuterlarda bemalol ishlash mumkin.
Windows 8/8.1 operatsion sistemalarining oldingi versiyadagi operatsion sistemalardan farq­li ijobiy xususiyatlarini quyidagi bir nechta dalillar orqali ko‘rsatish mumkin:

• 
  ko‘p tilli muloqot interfeysiga ega;
  
• 
  x86, x86-64 va ARM platformali mikroprotsessorlar bilan o‘zaro muvofiq ishlay oladi;
  
• 
  Metro deb ataluvchi bosh ekran interfeys boshqaruvchisiga ega;
  
• 
  Windows ish stoli unda standart dastur-ilova singari tarkiblashtirilgan;
  
• 
  klassik ko‘rinishdagi Пуск menyusiga ega;
  
• 
  zarur bo‘lganda vizuallashtiriluvchi (inglizcha Charms bar deb ataluvchi) maxsus boshqa­ruv paneliga ega.
  

Hozirgi vaqtda Windows 8.1 operatsion sistemasining 32- va 64-bitli versiyalari parallel iste’molda bo‘lib, ularni o‘rnatishda kompyuter konfiguratsiyasiga nisbatan minimal tarzda talablar mavjud. Bu ko‘rsatkichlar quyidagi jadvalda o‘z aksini topgan:

Arxitektura	32-bit	64-bit
Protsessor:	1 GHz takt-chastota	2 GHz takt-chastota
Tezkor xotira:	1 Gigabayt	2 Gigabayt
Qattiq disk:	16 Gigabayt bo‘sh joy	20 Gigabayt bo‘sh joy
Videadapter:	DirectX 9 va WDDM ni qo‘llab-quvvatlovchi.

Windows 8.1 ning yana bir qulaylik tomoni shundaki, u ko‘plab drayver bazasiga ega va bu drayverlarni kompyuter konfiguratsiyaga muvofiq avtomatik tarzda topib o‘rnatadi. Bu drayverlar aksariyat kompyuterlarning konfiguratsiyasiga mos keladi.