П. С. Султонов, Б. П. Ахмедов олий ўқув юртлари учун дарслик

Ўзбекистон республикаси табиатни муҳофаза қилиш Давлат қўмитаси
Ўзбекистон республикаси олий кенгашига бўйсинади ҳамда вазирликлар, Давлат
кўмиталари, идоралар, корхоналар, муассасалар ва ташкилотлар, шунингдек, айрим шахслар
томонидан ер, ер ости бойликлари, сув, ўрмон, ҳайвонот ва ўсимликлар дунёсидан,
атмосфера ҳавосидан фойдаланиш ҳамда уларни муҳофаза қилишга доир қонунларга риоя
этилиши устидан давлат назоратини амалга оширади. Шундай қилиб, Ўзбекистон
республикаси табиатни муҳофаза қилиш Давлат қўмитаси Ўзбекистон ҳудудида фаолият
кўрсатадиган барча ташкилотлар устидан иш кўрувчи орган бўлиб, табиатни муҳофаза
қилиш ва ресурслардан самарали фойдаланиш бўйича
тармоқлараро бошқарув ва давлат
назоратини амалга оширади. У ўз функциясини махаллий бошқарув органларига боғлиқ
бўлмаган холда бажаради ва табиатдан оқилона фойдаланиш, табиатни муҳофаза қилиш,
ишлаб чиқариш корхоналари холати ва табиий ресурсларни ҳимоя қилиш бўйича техник ва
иқтисодий масалаларни хал этишга кўмаклашади. Ўзбекистон республикаси табиатни
муҳофаза қилиш давлат қўмитасининг ваколатлари, Ўзбекистон олий кенгаши томонидан
тасдиқланган низом билан белгиланади. 
Ўзбекистон республикаси табиатни муҳофаза қилиш Давлат қўмитаси ўз ваколатлари
доирасида қабул қилган қарорлар давлат идоралари, корхоналар, муассасалар, ташкилотлар
ва фуқаролар учун мажбурий хисобланади. 

---

Давлат хокимияти ва бошқарув махаллий идоралари табиатни муҳофаза қилиш
бўйича қуйидаги ваколатларга эга:

ўз ҳудудида табиатни муҳофаза қилишнинг асосий йўналишларини белгилаш,
минтақанинг экология дастурини тасдиқлаш;

табиий ресурсларни ҳисобга олиш ва баҳолаш, экологик жихатдан зарарли бўлган
объектларни руйхатга олиш;

табиатни муҳофаза қилишга доир тадбирларни моддий-техник томондан таъминлаш;

табиий ресурслардан фойдаланиш хуқуқини берувчи, саноат ва уй-рўзғор
чиқиндиларини тўплаш ёки кўмиб ташлашга рухсатномаларни белгиланган тартибда
бериш ёки уларни бекор қилиш;

табиий ресурслардан фойдаланганлик учун тўловлар ундириш;

табиатни муҳофаза ҳилиниши устидан назорат ўрнатиш, атроф-муҳитга зарар
етказаётган махаллий аҳамиятга молик объектлар фаолиятини вақтинча ёки бутунлай
тўхтатиш ёки қайта ихтисослаштириш тўғрисида қарорлар қабул қилиш.