P. I. Ivanov m. E. Zufarova umumiy psixologiya

Ranglarning  aralashib  keti- 

shi, 

ko'z  to'r  pardasining  biron 

joyiga turli uzunlikdagi yorug'lik 

nurlari  bir  yo'la  ta’sir  etganda

15-rasm. 

Ranglarni  aralashtiradigan 

charx.

---

sodir bo'ladi. Shuning natijasida biz faqat bir rangni sezamiz, lekin bu rang 

aralashib  ketgan  ranglarning  hech  biriga  o'xshamaydigan,  alohida  rang 

bo'ladi. Ikkita xromatik rangning aralashib ketishidan nim rang hosil bo'ladi. 

Masalan,  qizil  rang  bilan  sariq  rangning  aralashishidan  zaig'aldoq  rang 

hosil  bo'ladi,  qizil  rang  bilan  ko'k  rangning  aralashishidan  binafsha  rang 

hosil bo'ladi va hokazo. Spektrdagi hamma ranglarning aralashishidan neytral 

oq rang hosil bo'ladi.  Spektrdagi ba’zi ranglarning ikkitasini qo'shib, xuddi 

boyagidek oq  rang  yoki  och  kulrang  hosil  qilish  ham  mumkin.  Masalan, 

spektrdagi  har bir rang o'ziga mos boshqa  rang bilan  qo'shilib,  axromatik 

oq  rang yoki  kulrang hosil qiladi.  Bunday ranglar qo'shimcha  ranglar deb 

ataladi. Qizil rang bilan och havo rang, ko'k rang bilan sariq rang bir-biriga 

qo'shilib, qo'shimcha ranglar hosil qiladi.  Ranglarning aralashib ketishida- 

gi  ana  shu  qonuniyatlaming  hammasini  rangdor  doiralar  deb  ataluvchi 

doiralarni  maxsus  asbobga  kiygizib  tekshirib  ko'rish  mumkin.  Bu  asbob 

«ranglarni aralashtiradigan charx» deb ataladi.

Charx  tez  aylanganda  o'sha  doiralardagi  har  xil  ranglar  aralashib, 

muayyan  ranglar  hosil  qiladi.  Ranglarning  aralashib  ketishi  — periferik 

jarayon  emas,  balki  markaziy jarayon  ekanligi  hozirgi  vaqtda  aniqlandi. 

Ranglarning  binokulyar  aralashib  ketish  faktlari  shundan  dalolat  beradi. 

Agar bir ko'zga sariq rang, ikkinchi ko'zga ko'k rang to'g'ri tutilsa, ranglar­

ning  oddiy aralashib  ketishidagi  kabi  kulrangni  sezamiz.