Oʻzbekiston respublikasining soliq kodeksi (Yangi tahriri) Oʻzbekiston Respublikasining

119-modda. Soliq qarzini uzish toʻgʻrisidagi 
talabnomani bajarish 
(OʻzR 30.12.2022-y. OʻRQ-812-son Qonuni tahriridagi modda matni) 
Soliq qarzini uzish toʻgʻrisidagi talabnoma yuridik shaxs, shuningdek tadbirkorlik 
faoliyatiga doir qismi boʻyicha yakka tartibdagi tadbirkor tomonidan olingan kundan eʼtiboran 
oltmish kalendar kun ichida soliq qarzi toʻlanmagan taqdirda va agar ushbu Kodeksning 120-122-
moddalarida nazarda tutilgan choralar qoʻllanishi natijasida soliq qarzi uzilmay qolaversa, soliq 
organlari undiruvni ushbu Kodeksning 123-124-moddalarida belgilangan tartibda soliq 
toʻlovchining mol-mulkiga qaratadi. 
15-BOB. SOLIQ QARZINI UNDIRISH 
120-modda. Soliq qarzini undirish toʻgʻrisidagi umumiy qoidalar 
121-modda. Soliq qarzini bank hisobvaraqlaridagi 
pul mablagʻlari hisobidan undirish 
122-modda. Soliq toʻlovchilar konsolidatsiyalashgan 
guruhi ishtirokchilarining bank hisobvaraqlaridagi 
pul mablagʻlari hisobidan soliq qarzini undirish 
123-modda. Soliq qarzini boshqa mol-mulk hisobidan undirish 
124-modda. Soliq qarzini soliq toʻlovchilar konsolidatsiyalashgan 
guruhi ishtirokchilarining boshqa mol-mulki hisobidan undirish 
125-modda. Yakka tartibdagi tadbirkor boʻlmagan 
jismoniy shaxsning soliq qarzini undirish 
120-modda. Soliq qarzini undirish toʻgʻrisidagi umumiy qoidalar 
(1-q.)
Soliq qarzi belgilangan muddatda toʻlanmagan yoki toʻliq toʻlanmagan taqdirda bu 
qarzni undirish ushbu bobda nazarda tutilgan tartibda amalga oshiriladi. 

---

(2-q.)
Soliq qarzi mazkur soliq qarziga ega boʻlgan soliq toʻlovchidan, ushbu moddada 
nazarda tutilgan hollarda esa - boshqa shaxslardan undiriladi. 
(3-q.)
Agar soliq toʻlovchining soliqlar boʻyicha qarzini uzishga doir majburiyati bank 
kafolati, uchinchi shaxsning kafilligi yoxud mol-mulk garovi bilan taʼminlangan boʻlsa, soliq 
toʻlovchi soliqlar boʻyicha soliq qarzini uzmagan yoki toʻliq uzmagan taqdirda, soliq organi soliq 
qarzining toʻlanmagan summasini tegishlicha bank kafolatini bergan bankdan, kafildan yoxud 
garovga qoʻyilgan mol-mulk qiymatidan undirishi shart. 
(4-q.)
Yuridik shaxsdan yoki yakka tartibdagi tadbirkordan soliq qarzini undirish ushbu 
Kodeksning 121-124-moddalarida nazarda tutilgan tartibda amalga oshiriladi. 
(5-q.)
Yakka tartibdagi tadbirkor boʻlmagan jismoniy shaxsdan soliq qarzini undirish ushbu 
Kodeksning 125-moddasida nazarda tutilgan tartibda amalga oshiriladi. 
(6-q.)
Yuridik shaxsdan yoki yakka tartibdagi tadbirkordan soliq qarzini undirish dastlab 
uning bank hisobvaraqlaridagi pul mablagʻlari hisobidan, ular yetishmagan taqdirda esa mazkur 
shaxsning boshqa mol-mulki hisobidan amalga oshiriladi. 
(7-q.)
Ushbu moddada nazarda tutilgan hollarda soliq toʻlovchining yoki boshqa shaxsning 
soliq qarzi uning bank hisobvaraqlaridagi pul mablagʻlari hisobidan undirish imkoni boʻlmagan 
qismida boshqa shaxslardan undirilishi mumkin. 
(8-q.)
Agar soliq toʻlovchining tovarlarni (xizmatlarni) realizatsiya qilishdan oladigan 
tushumi yoki boshqa daromadlari boshqa shaxslarning bankdagi hisobvaraqlariga kelib tushgan 
boʻlsa, soliq toʻlovchining soliq qarzi shu shaxslardan undirilishi mumkin. 
(9-q.)
Agar soliq toʻlovchi soliq tekshiruvi toʻgʻrisida bilgan paytdan eʼtiboran oʻzining pul 
mablagʻlarini yoki boshqa mulkini oʻzga shaxslarga bergan boʻlsa, soliq toʻlovchining soliq qarzi 
shu shaxslardan undirilishi mumkin. 
(10-q.)
Ushbu modda sakkizinchi va toʻqqizinchi qismlarining qoidalari tovarlarni 
(xizmatlarni) realizatsiya qilishdan olinadigan tushum yoki boshqa daromadlar yoxud pul 
mablagʻlari yoki boshqa mulk oʻzga shaxslarga bir nechta operatsiyalar orqali oʻtkazib berilganligi 
aniqlangan hollarda ham qoʻllaniladi.
(11-q.)
Ushbu moddaning sakkizinchi - oʻninchi qismlarida koʻrsatilgan hollarda mazkur 
shaxslardan soliq qarzini undirish soliq toʻlovchining realizatsiya qilingan tovarlari (ishlari, 
xizmatlari) uchun kelib tushgan tushum, boshqa daromadlari, u tomonidan oʻtkazilgan pul 
mablagʻlari, boshqa mol-mulkning qiymati doirasida amalga oshiriladi. Soliq organi mazkur 
shaxslar toʻgʻrisida oʻzida mavjud boʻlgan axborot asosida va soliq toʻlovchining soliq qarzi 
miqdoriga bogʻliq tarzda ushbu qarzni undirishni koʻrsatilgan qaysi shaxslardan va qanday 
nisbatda undirishni amalga oshirishni mustaqil ravishda belgilashga haqli. 
(12-q.)
Ushbu moddaning sakkizinchi - oʻninchi qismlarida nazarda tutilgan hollarda soliq 
qarzini undirish sud tartibida amalga oshiriladi. 
(13-q.)
Soliqni sud tartibida undirish quyidagi hollarda ham amalga oshiriladi, agar soliqni 
toʻlash majburiyati: 
1) soliq organi tomonidan bitimni tavsiflashni, soliq toʻlovchining maqomini yoki faoliyati 
xususiyatini oʻzgartirishga asoslangan boʻlsa; 

---

2) oʻzaro aloqador shaxslar oʻrtasida bitimlar tuzilishi munosabati bilan transfert narx 
belgilash chogʻidagi soliq nazorati natijalariga koʻra yuzaga kelgan boʻlsa. 
(14-q.)
Ushbu bobning qoidalari Oʻzbekiston Respublikasining bojxona chegarasi orqali 
tovarlarni olib oʻtish munosabati bilan toʻlanadigan soliqlar boʻyicha soliq qarzini undirishga, 
shuningdek soliq agentlarining soliq qarzini undirishga ham tatbiq etiladi.