Oʻzbekiston respublikasining soliq kodeksi (Yangi tahriri) Oʻzbekiston Respublikasining

87-modda. Soliq majburiyatining tugatilishi 
(1-q.)
Soliq majburiyati, agar ushbu moddaning ikkinchi - toʻrtinchi qismlarida boshqacha 
qoida belgilanmagan boʻlsa, quyidagi hollarda tugatiladi: 
soliq toʻlovchi tomonidan soliq toʻlanganda yoki soliq agenti tomonidan oʻtkazib berilganda; 
soliq toʻgʻrisidagi qonunchilikka muvofiq soliq majburiyatini tugatish bilan bogʻliq boshqa 
holatlar yuzaga kelganda. 
(OʻzR 21.04.2021-y. OʻRQ-683-son Qonuni tahriridagi xatboshi) 
(2-q.)
Jismoniy shaxsning soliq majburiyati quyidagi hollarda tugatiladi: 
mazkur shaxs vafot etganda; 
uni vafot etgan deb eʼlon qilish toʻgʻrisidagi sud qarori qonuniy kuchga kirganda. 
(3-q.)
Vafot etgan yoki vafot etgan deb eʼlon qilingan jismoniy shaxsning soliq qarzi ushbu 
Kodeksning 94-moddasida belgilangan tartibda meros mol-mulkning qiymati doirasida 
merosxoʻrlardan undiriladi. 
(4-q.)
Yuridik shaxsning soliq majburiyati quyidagi hollarda tugatiladi: 
ushbu Kodeksning 91-moddasiga muvofiq, budjet tizimi bilan barcha hisob-kitoblar amalga 
oshirilgandan keyin u tugatilganda; 
ushbu Kodeksning 92-moddasiga muvofiq, budjet tizimi bilan barcha hisob-kitoblar amalga 
oshirilgandan keyin u qayta tashkil etilganda. 
88-modda. Soliq majburiyati boʻyicha daʼvo qilish muddatlari 
(1-q.)
Soliq organi yoki boshqa vakolatli organ soliq tekshiruvini oʻtkazishga, tekshiruv 
natijalari boʻyicha soliq toʻlovchiga soliq qarzini uzish toʻgʻrisida talabnoma yuborishga yoki soliq 
toʻgʻrisidagi qonunchilikka muvofiq toʻlanishi lozim boʻlgan soliqlar miqdorini qayta koʻrib 
chiqishga haqli boʻlgan muddat soliq majburiyati boʻyicha daʼvo qilish muddati hisoblanadi. 
(OʻzR 21.04.2021-y. OʻRQ-683-son Qonuni tahriridagi qism) 
(2-q.)
Agar ushbu Kodeksda boshqacha qoida belgilanmagan boʻlsa, soliq majburiyati 
boʻyicha daʼvo qilish muddati, natijalariga koʻra soliq majburiyati aniqlanadigan soliq davri 
tugaganidan keyin besh yilni tashkil etadi. Agar soliq majburiyatining yuzaga kelishi muayyan 
voqea yoki harakat bilan bogʻliq boʻlsa, agar ushbu Kodeksda boshqacha qoida belgilanmagan 
boʻlsa, soliq majburiyati boʻyicha daʼvo qilish muddati shu voqea yoki harakat sodir boʻlgan 
paytdan eʼtiboran besh yilni tashkil etadi. 
(3-q.)
Ushbu Kodeks 84-moddasining ikkinchi qismida nazarda tutilgan hollarda daʼvo 
qilish muddati soliq toʻgʻrisidagi qonunchilikka koʻra soliq toʻlovchi tomonidan soliq stavkasi, 
toʻlanadigan soliq miqdori, soliq imtiyozi yoki soliq chegirmasi qoʻllanilishi va (yoki) soliqni 

---

toʻlash muddati oʻzgarishi bilan bogʻliq shartlarning amal qilish muddatiga uzaytiriladi. 
(OʻzR 
21.04.2021-y. OʻRQ-683-son Qonuni tahriridagi qism) 
(4-q.)
Soliq majburiyati boʻyicha daʼvo qilish muddatining oʻtishi fuqarolik qonunchiligiga 
muvofiq toʻxtatib turiladi, uziladi va qayta tiklanadi. 
(OʻzR 21.04.2021-y. OʻRQ-683-son Qonuni 
tahriridagi qism)