O’zbekiston respublikasi xalq ta’limi vazirligi qo’qon davlat pedagogika instituti tabiiyot va geografiya fakulteti

Zoologiyaning  nazariy  va  amaliy  ahamiyati.  Zoologiya  sohasidagi  ilmiy 

ma’lumotlar  organik  olamning  kelib  chiqishi  va  tarixiy  rivojlanishini  tushunib 

olishda va tabiyyotga nisbatan ilmiy-materialistik dunyoqarashning shakllanishida 

katta  ahamiyatga  ega.  Zoologiyada  to’plangan  ilmiy  dalillar  organik  olamning 

tarixiy rivojlanishi to’g’risidagi CH.Darvin evolyusion ta’limotining asosini tashkil 

etadi.  Odam  ham  uzoq  davom  etgan  tarixiy  rivojlanish  natijasida  hayvonot 

dunyosidan  kelib  chiqqan,  evolyusion  taraqqiyotning  eng  yuqori  pog’onasiga 

ko’tarilgan ongli mavjudod hisoblanadi. 

Hayvonot  dunyosining  rivojlanishi,  evolyusiya  omillari,  uy  hayvonlarining 

kelib  chiqishi  muammolarini  ochib  berilishi  chorvachilikdagi  seleksiya  ishlari 

uchun  asos  bo’lib  xizmat  qiladi.  Hayvonlar  ustida  olib  borilgan  kuzatishlar  va 

tajribalar  organizmdagi  biologik  jarayonlarga  ta’sir  etish  orqali  uning  faoliyatini 

boshqarish yo’llarini ishlab chiqishga imkon beradi. Hayvonlar hayotini o’rganish 

organik  dunyodagi  ekologik  bog’lanishni  tushunib  olish  va  zararkunanda 

hayvonlarga  qarshi  biologik  kurash  metodlarini  ishlab  chiqish;  baliqchilik  va 

chorvachilikni  yanada  rivojlantirish;  ovlanadigan,  foydali  va  noyob  hayvonlar 

sonini saqlab qolish va ko’paytirishda muhim ahamiyatga ega. 

Parazit va zararkunanda hayvonlarni o’rganish ular tarqalishining oldini olish 

va  qarshi  kurash  choralarini  ishlab  chiqish  uchun  asos  bo’ladi.  Tuproq 

hayvonlarini  o’rganish  orqali  tuproq  hosil  bo’lishi  jarayonlarini  tushunib  olishga 

va tuproq unumdorligini oshirish usullarini ishlab chiqishga yordam beradi.