O‘zbekiston respublikasi xalq ta’limi vazirligi chaqiruvga qadar boshlang‘ich tayyorgarlik fani

1. Pedagogning kommunikativ ko‘nikmalarini rivojlantirish. 
2. AKT va media savodxonlik. 
3. O‘zini-o‘zi rivojlantirish va uzluksiz kasbiy rivojlanish masalalari. 
4. Pedagog mas’uliyati va moslashuvchanligi. 
5. Yoshlarni harbiy-vatanparvarlik ruhida tarbiyalashni tashkil etish. 
6. Harbiy ta’limdagi yangiliklar, chaqiruvga qadar boshlang‘ich 
tayyorgarlikning dolzarb masalalari. 
7. O‘quvchilar kompetensiyalarini baholash usullari va vositalari. 
 
 

---

Kursning maqsadi va vazifalari 
Chaqiruvga qadar boshlang‘ich tayyorgarlik fani o‘qituvchilari uchun tashkil 
qilinadigan uzluksiz kasbiy rivojlanish kursining maqsadi – ta’lim-tarbiya jarayoni 
samaradorligini oshirish uchun zarur bo‘ladigan kasbiy bilim, ko‘nikma
va malakalarni muntazam yangilash, malaka talablari asosida ularning kasbiy 
faoliyatga doir kompetentligini rivojlantirishdan iborat. 
Kursning vazifalariga quyidagilar kiradi: 
tinglovchilarga jamiyatda amalga oshirilayotgan ijtimoiy-iqtisodiy islohotlar 
mazmuni va ta’lim-tarbiya jarayonlarini tashkil etishning huquqiy-me’yoriy 
asoslarini singdirish;
ta’lim-tarbiyaning ilg‘or texnologiyalari va xorijiy tajribalarni o‘rgatish; 
tinglovchilarni ta’lim sifatini oshirishning zamonaviy usullari bilan 
tanishtirish; 
kasbiy faoliyatida axborot-kommunikatsiya texnologiyalarini qo‘llash 
ko‘nikmalarini rivojlantirish; 
malaka talablariga mos holda kasbiy bilim, ko‘nikma va malakalarini 
zamonaviy yondashuvlar va innovatsiyalar asosida uzluksiz rivojlantirish. 
Kurs yakunida tinglovchilarning bilim, ko‘nikma, malaka va kompetensiyalariga 
qo‘yiladigan talablar 
Malaka oshirish kursi o‘quv rejasining “Pedagogning kommunikativ 
ko‘nikmalarini rivojlantirish”, “AKT va media savodxonlik”, “O‘zini-o‘zi 
rivojlantirish va uzluksiz kasbiy rivojlanish masalalari”, “Pedagog mas’uliyati
va moslashuvchanligi”, “Yoshlarni harbiy-vatanparvarlik ruhida tarbiyalashni 
tashkil etish”, “Harbiy ta’limdagi yangiliklar, chaqiruvga qadar boshlang‘ich 
tayyorgarlikning dolzarb masalalari”, “O‘quvchilar kompetensiyalarini baholash 
usullari va vositalari” modullari bo‘yicha tinglovchilarning bilim, ko‘nikma, 
malaka va kompetensiyalariga qo‘yiladigan talablar tegishli yo‘nalish bo‘yicha 
umumiy o‘rta ta’lim muassasalari Chaqiruvga qadar boshlang‘ich tayyorgarlik 
o‘qituvchilarining malakasini oshirish mazmuni, sifati va ularning tayyorgarligi 
hamda kompetentligiga qo‘yiladigan malaka talablari bilan belgilanadi. 
Kurs hajmi 
Malaka oshirish kursining davomiyligi 36 soatni tashkil etadi. Malaka 
oshirish toifasi bo‘yicha ta’lim dasturlarini to‘liq o‘zlashtirgan kurs 
tinglovchilariga davlat namunasidagi sertifikat beriladi. O‘quv modulining har
2 soatini o‘zlashtirganligi uchun tinglovchiga 1 kredit ball beriladi.