O`zbekiston respublikasi oliy va o`rta maxsus ta`lim vazirligi buxoro davlat universiteti magistratura bo’limi

XULOSA VA TAKLIFLAR

Har bir xalqning buguni va ertasi uning o`tmishi bilan chambarchas bog`liq. Tarix bu bizning bugungi kunimiz, kelajakdagi rejalarimiz ma`naviyatimiz negizi hisoblanadi. Xuddi shunday ma`naviyat va Komilik timsolini o`zida mujassam etgan buyuk mutafakkirimiz Hazrat Alisher Navoiy asarlari sal kam 600 yildan beri Sharq xalqlari uchun qudratli ma`naviyat manbai bo`lib xizmat qiladi.

Prezidentimiz Sh.M.Mirziyoyev: - “Alisher Navoiy bobomizning “Odami ersang demagil odami, oniki yo`q xalq g`amidin g`ami”, - degan satrlarida qanchalik chuqur hayotiy hikmat, falsafa bor. Ya`ni bu dunyoda insonlarning dard-u tashvishlarini o`ylab yashash odamiylikning eng oliy me`zonidir, xalqning g`amidan uzoq bo`lgan insonni odam qatoriga qo`shib bo`lmaydi, deb tayinlamoqda ulug` bobomiz. Bu o`lmas satrlar bizning orzu-intilish va amaliy harakatlarimiz bilan naqadar hamohang ekani odamni hayratga soladi», – degan edi⁴⁶.

Odamlarning dard-u tashvishlarini o`ylab yashash, inson manfaatlari uchun qayg`urish g`oyasi Hazrat Alisher Navoiyning deyarli barcha asarlarida alohida nurlantirib turadi. Hazrat Alisher Navoiyning «Tarixi anbiyo va hukamo» va «Tarixi Muluki Ajam» asarlarini adabiyotshunoslik yo`nalishida o`rganish Istiqlol sharofati bilangina boshlandi. «Tarixi anbiyo va hukamo», «Tarixi Muluki Ajam» asarlari o`zagini tahlil qilishda biz Alisher Navoiyning Tarixnavislik ma`naviyatini to`la tahlil qiladi.

«Tarixi anbiyo va hukamo» va «Tarixi Muluki Ajam» asarlari filologiya fanlari doktori, Professor Rahimjon Vohidovning “Armonga aylangan adabiy orzular” kitobida mafkuraviy cheklanishlarsiz tahlil qilingan.

Tarixshunoslik yo`nalishida esa bizning dissertatsiya ishimizga asos bo`lgan asarlar deyarli o`rganilgan emas.

Buyuk Navoiy avlodlarga qoldirgan ulkan ma`naviy merosning muhim bir qismi tarixnavislikdir. Ammo hanuzga qadar ulug` mutafakkirning «Tarixi anbiyo va hukamo» va «Tarixi Muluki Ajam» asarlari tarixchi olimlar e`toboridan soqit qolib keladi. Ayni fikr «Majolisun-nafois», «Munshaot», «Mahbubul-qulub», «Muhokamatul-lug`attayn», «Xamsatul-mutahayyirin», «Holoti Sayyid Hasan Ardasher», «Holoti Pahlavon Muhammad» kabi nasriy va ilmiy, manoqib asarlar mag`zidagi tarixga oid qarashlari Tarixnavislikga ham taalluqlidir.