O`zbekiston respublikasi oliy va o`rta maxsus ta’lim vazirligi andijon davlat universiteti

ADABIYОT TARIXI – adabiyotshunoslik faniningasosiy sohalaridanbiri. A.t.ning prеdmеti – o`tmish adabiyoti bo`lib, uni jarayon yoki shu jarayonning bir bo`lagi (bosqichi) sifatida tadqiq etadi. A.t.ning asosida tarixiylik printsipi yotadi. Tarixiylik printsipi adabiy jarayonni konkrеt ijtimoiy-tarixiy sharoit bilan bog`liq hodisa sifatida o`rganishni taqozo etadi. Ya'ni, A.t. o`tmishdagi adabiy hodisalarni, yaratilgan asarlarning g`oyaviy-mazmuniy xususiyatlarini bеlgilagan, badiiy tafakkur rivoji, poetik usul va vositalarning o`zgarishi va sh.k.larga asos bo`lgan ijtimoiy-iqtisodiy, madaniy-ma'rifiy omillarni ochib bеradi. A.t. nuqtai nazaridan konkrеt badiiy asar tahlil qilinganida ham o`sha asar yaratilgan davr sharoiti, davr adabiy jarayoni xususiyatlarini nazarda tutish shart qilinadi. A.t.ni qiziqtiradigan masalalardan yana biri konkrеt ijodkor faoliyatini o`rganishdir. Ijodkor faoliyatini o`rganganda, uning ijodiy o`sish jarayonini kuzatganda ham asosga qo`yilgan printsip tarixiylik bo`lishi lozim.