O`zbekiston respublikasi хаlq ta’limi vazirligi namangan viloyati xalq ta’limi boshqarmasi uychi tuman xalq ta’limi bo`limiga qarashli

Tashkiliy qism. O`quvchilar bilan salomlashilib, ularning diqqati jalb qilinadi. Ma’naviyat daqiqasi tashkil etiladi, kun yangiliklari so`raladi.Uyga berilgan vazifa tekshiriladi, xato va kamchiliklari aniqlanadi.

O`tilgan mavzuni mustahkamlash.   O`quvchilar o`rtasida ommaviy axborot vositalariga e’tiborni, hurmatni kuchaytirish maqsadida “Muxbirlar” o`yini o`tkaziladi.Bunda yozuv taxtasiga chiqqan o`quvchiga o`quvchilar o`tilgan mavzu bo`yicha savollar berishadi. Masalan :

-Men  “Sinfdosh “jurnalining muxbiriman . Sizga quyidagi savolim bor: Kesim – gapning markazi deganda nimani tushunasiz?

Javob:

-Kesim – gapning markazi. Chunki u tasdiq –inkor, zamon , mayl, shaxs-son ma’nolarini ifodalab keladi., hukmni ifodalaydi va gapning boshqa bo`laklarini o`z atrofida birlashtiradi.

Shu tartibda “Kesimga ta’rif bering “, “Kesim tuzilishiga ko`ra qanday turlarga bo`linadi?”, “Qaysi turkum so`zlar bilan ifodalanishiga ko`ra kesim necha xil bo`ladi?” kabi savollar beriladi va javoblar olinadi.Uyga berilgan topshiriqlarni bajargan hamda savollarga javob bergan o`quvchilarga rag`bat kartochkalari beriladi.

Yozuv taxtasiga vatanparvarlik, insonparvarlik mavzularidagi rasmlar ilinadi. O`quvchilar ushbu rasmlarga qarab kesimga doir gaplar tuzadilar.Kim mazmunli ,ravon, to`g`ri gap tuzsa ,o`sha o`quvchiga ball qo`yiladi. O`qituvchi tomonidan o`quvchilarga yana bir bor kesimning qoidasi eslatiladi.