Oybek she'riyati obrazlari ( ramziylik va o'ziga xoslik) Reja: Kirish

Mavzuning o‘rganilish darajasi: Mazkur bitiruv malakaviy ishi Oybek ijodiy merosining katta qismini tashkil etgan prozaik asarlarining tili va uslubi xususiyatlarini umumfilologik nuqtai nazardan baholab, yozuvchi materialining o‘ziga xos qirralarini til materiali asosida ochib berishga qaratilgan.
To‘g‘ri, o‘zbek tilshunosligida Oybek ijodining til xususiyatlari o‘rganilgan tadqiqotlar mavjud.3 Ammo o‘zbek tili va adabiyoti taraqqiyotiga juda katta hissa qo‘shgan. Oybekdek ulkan so‘z san’atkorining ijodiy merosini birgina bitiruv malakaviy ishi doirasida tadqiq etish bilan chegaralanib qolish qanoatlanarli emas. Buning ustiga, Qarshiboy Samadov tomonidan olib borilgan kuzatishning amalga oshirilganligiga 41yil vaqt o‘tdi. O‘tgan davr mobaynida xalqimiz tarixida misli ko‘rilmagan o‘zgarishlar yuz berdi. O‘zbekiston Respublikasining o‘z mustaqilligini qo‘lga kiritishi xalqimizning ulkan tarixiy g‘alabasi va yutug‘i bo‘ldi.
Binobarin, o‘tmishimizga, tarixiy, ilmiy va badiiy merosimizga qaytadan nazar tashlab, uni mustaqilligimiz prizmasida talqin qilib, bu ulkan merosni bugungi va ertangi kunimizga xizmat qildirish milliy istiqlol g‘oyasini amalga oshirishning asosiy vazifalaridan biri bo‘1ib turibdi. Shunday ekan, 60-yillarda boshlangan Oybek asarlarining til xususiyatlarini tadqiq etishni davom ettirish, shu aspektda uning o‘zbek tili taraqqiyotiga qo‘shgan hissasiga aniqliklar kiritish va ijodiy uslubini ana shu til materiali asosida ko‘rsatib berish o‘z dolzarbligini yo‘qotgan emas. Shu ma’noda mazkur bitiruv malakaviy ishi Oybekshunoslikka qo‘shilgan alohida hissa sifatida qaraladi.