O’tkir Hoshimov daftar hoshiyasidagi bitiklar

 

Orol va qit’a 

Insoniyat orol emas, qit’a bo’lib yashashni o’rgansa, ko’p balolarning oldi olingan bo’lardi. 

---

 

Baho 

Odam bolasi elektr simi emaski, birini musbat, birini manfiy desang… 

 

Hayot falsafasi 

Munkillab  qolgan  ammam  bo’lardi.  O’ta  xudojo’y  kampir  edi.  Bolaligimda  oldiga  o’tkazib 

qo’yib, bir gapni ko’p aytardi. 

-  U quloq,  bu qulog’ing  bilan ham  eshitib  ol,  bolam.  Odamning u  yelkasida ham, bu  yelkasida 

ham  bittadan  farishta  o’tiradi.  O’ng  yelkangdagi  farishta  umr  bo’yi  qilgan  savob  ishlaringni, 

chap  yelkangdagisi  gunohlaringni  hisoblab  boradi.  U  dunyoga  borganingda  hisob-kitob  qilib 

ko’rishadi. Savobing ortiq bo’lsa, jannatga, gunohing ortiq bo’lsa, do’zaxga tushasan… 

Savodsiz kampirning sodda falsafasida qanchalik chuqur ma’no borligini endi 

tushunyapman.