O‘rta maxsus, kasb-hunar ta’limi markazi kolleji

Oynaning tashqi ko`rinishi
Oynaning yuqori qismi sarlavha qismi deyiladi. Sarlavha qismining chap burchagida oyna menyusining belgisi joylashgan. Har bir dastur o`zining maxsus belgisiga ega. Bu belgida sichqoncha bir marta bosilsa, oyna menyusi ochiladi. Oyna menyusini, shuningdek, oyanning sarlavha qismida sichqonchaning o`ng tugmasini bir marta bosish bilan ham ochish mumkin. Sarlavha satri ustida sichqoncha ikki marta bosish esa oynaning avvalgi o`lchamini tiklaydi. Oynani sarlavhasidan ushlab ekran bo`ylab siljitish mumkin (buning uchun oynaning o`lchami butun ekranni qoplamagan bo`lishi kerak).
Oynaning sarlavha qismida dastur yoki hujjatning nomi yoziladi. Sarlavha qismining o`ng tomonida chapdan o`ngga uchta tugma joylashgan:
- Свернуть (Yig`ib olish) – oynani piktogramma ko`rinishida yig`ish va masalalar paneliga joylashtirish;
- Развернуть (Yoyish) – oynani butun ekran bo`ylab (yoki hujjat oynasini butun dastur oynasiga yoyish) yoyib tashlaydi. Shunga ahamiyat berish kerakki, bu tugma ishga tushgandan keyin uning o`rnida boshqa tugma – Восстановить (Tiklash – yana o`z holiga qaytarish) paydo bo`ladi. Bu tugma ishga tushirilsa, oyna oldingi holatiga qaytadi.
- Закрыть (Yopish) – oynani yopish. U joriy oynanini yopadi va bajarilayotgan ishning saqlab qolinmagan natijalarini saqlashni taklif qiladi.
Sarlavhadan keyingi satr bu dastur menyusi satridir. Uning yordamida dastur bajaradigan ba’zi funksiyalar va amallarni bajarish mumkin.
Dastur menyusi satridan keyingi satrda asboblar paneli joylashgan bo`lishi mumkin. Uning tugmalari yordamida har xil amallarni tez bajarish mumkin. Asboblar panelini tahrirlash uchun oynaning dastur menyusidan Вид bo`limi ishga tushirilib, uning Панели инструментов (Uskunalar paneli) bandi tanlanadi.
Oynaning o`lchamini sichqoncha bilan ham o`zgartirish mumkin. Buning uchun oyna chegarasini sichqoncha bilan ilib olgan holda gorizontal va vertikal bo`yicha o`zgartirish mumkin. Ammo oyna chegaralari juda ingichka bo`lgani uchun oyna o`lchamini uning pastki o`ng burchagini ilib olib o`zgartirish qulayroqdir. Ushbu burchak sichqoncha bilan ilib olish oson bo`lishi uchun maxsus kattalashtirilgan o`lchamda tayorlangan.