O`quv-uslubiy majmua

VI. MUSTAQIL TA’LIM MAVZULARI
“Ona tili va adabiyot fanin o’qitishda zamonaviy yondashuvlar va innovasiyalar” o’quv modulini tinlovchilarga o’qitish bilan birga ularning mustaqil izlanishlarini tashkil etish va materiallarni mustaqil o’zlashtirilishini nazorat qilish uchun quyidagi mavzularda mustaqil ish mavzulari beriladi.
1.Bugungi kunda yetakchi metodist olimlar tomonidan olib borilayotgan ilmiy-tadqiqot ishlari va ularning tahlili.
2. Ona tili va adabiyot o’qitishda innovasiyalar va ulardan ta’lim jarayonida foydalanish.
Mustaqil ta’lim mavzularini bajarish bo’yicha tavsiyalar
Ilmiy va fundamental fan sohasida ilmiy izlanishlar olib borish va bugungi kunning yetakchi metodist olimlari, adabiyotshunos va tilshunoslar tomonidan olib borilayotgan ilmiy-tadqiqot ishlari tahlil qilinadi, ularda aks etgan g’oyalarni, tajriba-sinov natijalarini ta’lim jarayoniga tatbiq etish bo’yicha mustaqil ravishda tavsiyalar ishlab chiqiladi
G LOSSARIY
Konstruktivizm- o’qish mexanizmini tushuntiruvchi nazariya. Bu nazariyaga ko’ra, “bola o’z intellektining me’mori” . U o’zi o’rganmasa, unga hech kim, hech narsani o’rgata olmaydi. Buning uchun konstruktivist o’qituvchi o’quvchining o’quv-izlanish jarayonini konstruksiyalab, ya’ni munosib o’quv muhitini yaratib, didaktik topshiriqlar asosida harakatlar rejasini ishlab chiqishi kerak.Insonlar tajriba va refleksiya vositasida olam haqidagi bilimlarini shakllantiradilar. Darslarda o’quvchilar faol metodlar yordamida o’rganadilar, masalan, ular tajriba(eksperiment) o’tkazib, real masalalar yechimini topadilar. Shiningdek, ular o’z bilim va tushunchalari qanchalik o’zgarayotganini muhokama qilishadi. Tadqiqotli metod, loyihalar metodi, muammoli ta’lim metodi konstruktivizmga asoslanadi.
Tadqiqotli metod o’quvchilarda mavjudaxborot va faktlar zahirasini talab qiladi. Bu jarayonda o’quvchilarda bilishga asoslangan fanni tushunish shakllanadi. Tadqiqotli metod o’quvchilardagi tadqiqot asosida shakllangan ko’nikmalarni qo’llash asosida mavjud muammo va savollar uchun ma’qul yechim izlashni taqozo etadi. Loyihali metodlar tadqiqotga asoslansa-da, lekin tadqiqotli metodlar har doim ham loyihalanmaydi.