O`quv-uslubiy majmua

Iqtisodimizning raqobatbardoshligi hamda jahon davlatlari darajasida innovatsiyalarda liderlikka erishish yo’lida yangi impulslarni izlash.

Mehnat bozori hamda biznes, yuqori texnologik ishlab chiqarish tomonidan ta’lim oldiga qo’yilgan yangi talablar

Innovatsion iqtisod uchun poydevor bo’lib hisoblangan zamonaviy texnologiyalar barcha sohalardagi kadrlar oldiga yangi talablarni qo’ymoqda.Ushbu talablar nafaqat ta’lim sifatini yaxshilash, shuningdek, atrof-olamdagi real muammolarning yangi yechim yo’llariga tayyor bo’lgan kadrlarni tayyorlashga yangicha yondashuvlarni taqozo etmoqda.

3. 
   Ijtimoiy muammolar yechimi
   

Har bir o’quvchini turli muammolar yechimida matematika, muhandislik va fan yutuqlaridan foydalana olish bo’yicha innovatsion tafakkur va tajriba vositalari bilan ta’minlash lozim. Bunda:

• 
  Mantiq va tafakkurni rivojlantirish;
  
• 
  Muammoni qo’yish va uni yechish;
  
• 
  Olamga ilmiy qarash;
  
• 
  Tadqiqot qilish, tahlil qilish, isbotlash;
  
• 
  Jamoada ishlash, kommunikatsiya;
  
• 
  Ijodkorlik ko’zda tutiladi
  

Darslarda o’quvchilarga eng qizikarli loyihalar fanlar kesishmasida hosil bo’lishini ko’rsatish lozim. Bunda gap insonning atrof-olam hamda undagi hayotini yanada yaxshilash borasidagi tasavvurlarini kengaytirish haqida ketmoqda. Keltirilgan yondashuvda uch muhim tamoyilga e’tibor qaratiladi:

• 
  Real olam muammolarining amaliy xususiyati;
  
• 
  Tanqidiy fikrlash va muammolar yechimi orqali o’qitish;
  
• 
  Turli sohalar integratsiyasi
  

Ushbu tamoyillardan kelib chiqib, bunday o‘quv dasturlari va darslarning qator xususiyatlarini keltirish mumkin:

• 
  Turli yo’nalishlardan, bilishning turli sohalaridan yechim topish, zaruriy bilimlarga ega bo‘lish uchun barcha yo’llardan foydalanish imkonini beruvchi «ochiq» masalalar taklif etish (Internet, kitoblar, shaxsiy tajriba, eksperimentlar, tadqiqot va b.).
  
• 
  Bir nechta yechim va «to’g’ri» javob mavjud bo’lgan masala va muammolar taklif etish;
  
• 
  O’quvchi ilmiy qonuniyatlarni «o’zining tadqiqi» orqali o’rganishi;
  
• 
  Amaliy va konkret masalalardan umumiy xulosalarga, tushunchalarga, g’oyalarga hamda yanada yuqori abstraksiyalarga, nazariyalarga qarab yurish;
  
• 
  Muammo yechimi yo’lida izlanishda fan va matematikadan foydalanish, mantiq va dalillarga e’tibor qaratish;
  
• 
  Muammo yechimi va muhokamasiga iqtisod, madaniyat, tarix, axloq, ekologiya va b. sohalar nuqtayi nazaridan yondashish.
  
• 
  O’yin va musobaqa elementlarini kiritish;
  
• 
  Tajribalar o’tkazishga, o’z qo’li bilan yaratishga, hayotda foydalaniladigan uskuna va turli vositalarni qo’;llab ko’rishga, ushlab ko’rishga imkon berish;
  
• 
  Qo’l ostidagi xomashyo vositasida konstruksiyalash, tasavvur, fantaziyani rivojlantirish va iqtisod, boshqaruv, madaniyat sohasidagi bilimlarni faollashtirish uchun kichik mablag’ asosida loyihalar olib borish;
  
• 
  Jamoaviy ishni tashkillashtirish, umumiy yechimlarni topish, kelishish, hamkorlik qilish;
  
• 
  Ta’limga taqdimotlar kiritish (olingan natijalarining jamoa oldida taqdimotini tashkillashtirish), mutaxassislar hamda ishtirokchilar bilan qayta aloqa o’rnatish, muhokama qilish, o’zaro baholash.
  

Shu o’rinda amaliyotchi STEAM-pedagoglar sirasidan Maykl Okinoning tavsiyasini (Michael Occhino, Warner School of Education University of Rochester) keltirish mumkin:
«Muhimi — jarayon va hodisalarni eslab qolish emas, tushunish…»
«Eng muhim qonuniyatlarni qo’llay olish…»
«Yangi bilimlar yodda qolishi uchun ularni o’zidan, o’z tajribasidan o’tkazishi lozim…»
«Xususiydan umumiy bilimlar tomon borish…»
«O’zi biror marta tadqiqot ishini olib bormagan o’qituvchi o’quvchini ham tadqiqot qilishga o’rgata olmaydi…»
STEAM-ta’lim yuzasidan umumiy mulohazalarimizga xulosa qilar ekanmiz, ushbu ta’lim umumta’lim maktablarida sinf-dars tizimidan loyihaviy faoliyatga tomon o’tish, fundamental bilimlarni funksional bilimlarga ko’chirish, amaliyotda faol qo’llash jarayoni orqali fanlar integratsiyasi, kesishmasida muammolar yechimining yangicha yo’llarini izlash, lozim topilsa, kashf etishga yo’naltirish kabi vazifalarni qo’yadi.

2.