Низом 1-боб. Умумий қоидалар

тьютор – маърузачи томонидан ўқитилаётган фанни ўзлаштиришда таълим олувчиларга ёрдам берувчи шахс;
эдвайзер – мос мутахассислик бўйича таълим олувчига академик мураббий функциясини бажарувчи ўқитувчи, у таълим траекториясини (шахсий ўқув режасини) шакллантиришда ва ўқиш даврида таълим дастурини ўзлаштиришда кўмаклашади.


3-боб. Таълим дастури тузилмаси

5. 
   Таълим дастури тузилмаси бир ёки бир нечта модуллардан иборат таълим элементларидан ташкил топган дастур бўлиб, унинг таркиби Университет томонидан белгиланади. Таълим дастури аудитория машғулотлари, илмий лойиҳалар, ишлаб чиқариш амалиёти ва бошқа таълим элементларидан иборат бўлиши мумкин. Улар ўз ичига таълим дастури бўйича таълим олиш натижаларига мос бўлган ва синов бирликларида ифодаланган ижтимоий ва жамоат фаолиятини (масалан, тьюторлик ва устоз фаолиятини) қамраб олиши мумкин.
   
6. 
   Таълим дастури тузилмасини ишлаб чиқишда унинг ҳар бир таълим элементига мос келадиган таълим олиш натижалари (камида 6 та кўрсаткич) кўрсатилишини ҳамда бир академик ўқув йилига 60 синов бирлиги мос келишини ҳисобга олган ҳолда унга сарфланадиган меҳнат харажатлари асосида синов бирликларининг миқдори кўрсатилиши лозим.
   
7. 
   Талабаларнинг таълим дастурини муваффақиятли ўзлаштиришлари ҳамда талаб қилинган малакага эга бўлишлари учун ўзлаштиришга қўйиладиган талаблар аниқ белгиланган бўлиши шарт. Ўзлаштиришга қўйилган талаблар дастлабки шартлар ва тавсияларни ўз ичига олиши мумкин. Ўзлаштириш қоидалари танланган таълим дастури бўйича ўқитишнинг турли босқичлари учун белгиланган синов бирликлари миқдорида ёки синов бирликлари диапазонида ифодаланиши мумкин.
   
8. 
   Университет томонидан талабаларга таълим дастури талабларини муваффақиятли бажаришга ёрдам берадиган маслаҳат ва тушунтиришлар берилади. Маслаҳат бериш доирасида талабаларга аввал олинган ўқитиш
   ва тажрибани тан олиш имкониятлари тушунтирилади.
   
9. 
   Университетдаги ўқитиш муҳити тўғрисидаги батафсил, тушуниш осон ва аниқ бўлган долзарб ахборотни ўз ичига олган курслар каталоги – фанлар каталоги деб аталади. Фанлар каталогида ушбу Низомнинг 2-иловасига мувофиқ фан дастурлари ҳамда алоҳида таълим элементлари тўғрисидаги сифатли, батафсил
   ва ишончли ахборот берилади.
   

Фанлар каталогидан талабалар ўқув даври бошланишидан аввал ва бутун ўқиш даври давомида фойдаланишлари мумкин. Фанлар каталогида берилган ахборот таълим дастури якунлангандан сўнг бериладиган малака, ўқитиш жараёни, ўқитиш усуллари, баҳолаш жараёни, таълим дастурлари даражаси, алоҳида таълим элементлари ва ўқув ресурслари ҳақидаги маълумотларни ўз ичига олади. Фанлар каталоги таркибида мурожаат қилиш учун маълумотлар бўлиши лозим.

10. 
    Таълим дастури элементларининг амалга оширилишига масъул ўқитувчилар таълим дастурида кўрсатилган натижалари билан таълим бериш ҳамда баҳолаш жараёнлари ўртасидаги мутаносибликни таъминлаши лозим.