Namangan davlat universiteti fizika matematika fakulteti fizika kafedrasi

Asbobning o’zi iste’mol qiladigan quvvat. Elektr o’lchash asbobining ishlashi elektr energiyaning sarflanishi bilan bog’liqdir. Bunda asbobning elektr zanjiri qiziydi. Asbobning quvvat isrofi va uning parametrlari shunday bo’lishi kerakki, asbob ulanganda o’lchash bajarilayotgan zanjirning ish rejimi o’zgarmasligi kerak.

Asbobning tez ishlay olishi. O’lchanayotgan miqdorlar o’zgarganda asbobning qo’zg’aluvchan qismi (strelka) biror muvozanat holatdan ikkinchi muvozanat holatga o’tadi. Strelkaning shkala uzunligi bo’yicha 1% dan oshmagandagi tebranish amplitudasi uchun ketgan vaqt oralig’i tinchlanish vaqti deb ataladi. Barcha o’lchash asboblari tinchlantirgichlar (dempferlar) bilan ta’minlanadi. Tinchlanish vaqti 4-6 sekunddan oshmasligi kerak.

Izolyatsiya mustahkamligi. O’lchash asboblari va yordamchi qismlarning izolyatsiyasi yetarli mustahkamlikka ega bo’lishi kerak. Izolyatsiya GOST 1845-59 ga muvofiq 1 minut davomida 2 dan 5 kV gacha kuchlanishga bardosh berishi kerak (mos ravishda tarmoq kuchlanishi 40 V dan 2 kV gacha bo’lganda).