Muvofiqlashtirish hududiy boshqarmasi

7.2-rasm. Svechaning issiqlik tavsifi izolatorning issiqlik konusi o`lchamlariga bog‘liqligi
11,14, 7,20,23,26-kalil soni; 25, ISO, 75,225,240-“Bosch” bo'yicha kalil soni (Germaniya); 9,5,7,5,4-“Bosch” bo'yicha yangicha kalil soni.

Qolgan issiqlik izolator va markaziy elektrod orqali olib ketiladi. Issiqlik konusining o`lchamlari o‘zgarishi bilan svechalarning issiqlik tavsifnomalari ham o'zgaradi (7.2- chizma). Svecha konusining balandligi qancha kichik bo‘lsa, svecha shunchalik “sovuq”, kalil soni esa katta bo`ladi. Kalil soni katta bo‘lgan svechalarda izolatorning issiqlik konusi orqali issiqlik yaxshi olib ketiladi.

O ‘t oldirish svechalarining shartli belgilanishidagi raqamlar va harflar quyidagilarni bildiradi: birinchisi A harfi - korpusdagi rezba M 14x1,25 yoki M harfi - korpusdagi rezba M 18x1,5, ikkinchisi, bitta yoki ikkita raqam - kalil soni, keyingi harflar N - korpusning rezbali qismi uzunligi 11 m m (Д - korpusning rezbali qismi uzunligi 19 mm), В - izolatorning issiqlik konusi korpus toresidan chiqib turadi, Г - izolator-markaziy elektrod birikmasi termosement bilan germetiklangan. Korpusning rezbali qismi uzunligi 12 mm bo‘lsa, korpusning tores qismidan issiqlik konusi chiqib turmasa va izolator-markaziy elektrod birikmasi termosementdan boshqa narsa bilan germetiklangan bo'lsa, ular belgilanmaydi. Masalan, korpusdagi rezba M 14x1,25, kalil soni 20, rezbali qism uzunligi 19 mm bo‘lgan izolatorning issiqlik konusi korpus toresidan chiqib turgan o‘t oldirish svechasi А20ДВ etib belgilanadi. Korpusdagi rezbasi M 18x1,5, kalil soni 8, korpusning rezbali qismi uzunligi 12 mm bo'lgan va izolator-markaziy elektrod birikmasi termosement bilan germetiklangan o‘t oldirish svechasi esa М 8 Г qilib belgilanadi.
Kontakt-tranzistorli o`t oldirish tizimi. Yangi dvigatellarda yuqori siqish darajasini qo‘llash, ularda eng yuqori (maksimal) aylanishlar chastotasini va silindrlar sonini oshirish shunga olib keldiki, bunday sharoitlarda kontaktli o‘t oldirish tizimi dvigatelni ishonchli ishlashini ta’minlay olmas ekan. Uchqun energiyasi va ikkilamchi kuchlanishni oshirish uchun birlamchi zanjirdagi tok kuchini orttirish kerak. Vaholanki, uzgich kontaktlarining xizmat muddati pasayib ketishi tufayli buning iloji bo‘lmaydi. Shuning uchun bir qator afzalliklarga ega bo‘lgan kontakt-tranzistorli o‘t oldirish tizimi borgan sari keng ko`lamda qo`llanilmoqda. Uning afzalliklariga uchqun razryadining davomiyligi va quvvatining hamda ikkilamchi kuchlanishning ortishini (2 marta), uzgich kontaktlarining yeyilishiga barham berilishini, shuningdek, bunday tizimda svechadagi uchqun oralig‘ini kattalashishiga sezgirligi kam bo‘lgani bois, o‘t oldirish svechalari xizmat muddatining uzayishini kiritish mumkin.