Mustaqillik davri adabiyoti (20 asrning 90-yillaridan)

YO'Q EMISH ORZUDA AYB...

Saydi ishq so'lgan ko'ngilga

Qo'ymangiz behuda ayb.
Bo'lsa bandi domi sayyod,
Yo'q erur ohuda ayb.

Bandga tushgan bu ko'ngildur,

Menda, ayting, ne gunoh,
Dil qushiga dom qo'ygan
Ul ikki joduda ayb.

Jodu ko'zlar bandi yolg'iz -

Sen emas, tutqun yurak,
Avval-oxir ko'hna meros
Ishq degan tuyg'uda ayb.

Ey ko'ngil, o'z mayling ila

Bo'lding ishq domiga band,
Izlama endi bahona,
Demagin u-buda ayb.

Sevgi dardidan mening ham

Bo'ldi rangim qahrabo,
Yo'q iloj, ne naf o'kinmak
Bo'lmasa ko'zguda ayb?

Sen-ku Zuhrosan falakda

Intizoringman faqat,
Ne ajab tolpinsa ko'nglim,
Yo'q emish orzuda ayb.

NETAY

Men sevarman jondan ortiq,

Sevganim suymas, netay?
Ham sevib men sevmagan
O'z holima qo'ymas, netay?

Bul menga jonin fido aylar

Va lek men beiloj,
Men yonarman ishq o'tida,
Sevganim kuymas, netay?

Bul mening yonimda hargiz,

Erta-kech parvonadir,
Shafqat aylab men sari ul
Bir qadam qo'ymas, netay?

Bu yurak ohiga yetmay

Yonsa ko'nglim bir tomon,
Bir tomon dil hasratimni
Dilbarim tuymas, netay?

Boshim aylandi manim,

Do'stlar bu ishq savdosida,
Sevdi bul, men sevmadim,
Men sevdim, ul suymas, netay?

Nashr etilgan asarlari.
Saylanma (4 tomlik). T. “Sharq” nashriyot birlashmasi, 2000-2002.
Vaxidov E. Lirika. Tashkent Izd. Lit. i iskusstva. 1970.
Vaxidov E. Uzelok na pamyat. Moskva. “Sov. pisatel”. 1980.

Ilmiy adabiyotlar:

Inog’omov R. Shoir bo’lish osonmas… – T. Adabiyot va san’at nashriyoti. 1996.
G’afurov I. Bedor vijdon. “O’ttiz yil izhori” kitobida. –T. Adabiyot va san’at nashriyoti. 1987.
Karimov N. va boshqalar. 20 asr o’zbek adabiyoti tarixi. –T.: “O’qituvchi”, 1999.