Mundarij a kirish

Muammoning o’rganilganlik darajasi: Tadqiq etilayotgan muammo mohiyatini yoritadigan ilmiy manbalarni o’rganish bu sohada hali qilinadigan ishlar ko’pligini ko’rsatdi.
Voyaga yetmaganlarning g’ayriijtimoiy hatti-harakatlarni sodir etishning sabablarini aks ettiruvchi qarashlar huquqshunos, pedagog hamda psixologi olimlar - M.O.Komilova, F.K.Iskanjanova, H.K.Qoraboyev, R.Mahmudov, U.Tojixonov, A.Saidov, O.Karimova tomonidan amalga oshirilgan tadqiqotlarda o’z ifodasini topgan. Shuningdek voyaga yetmaganlarning huquqbuzarliklarini oldini olish muammolari bo’yicha tadqiqotchi M.Sattarova, voyaga yetmaganlarni jinoiy jazodan ozod qilishda shartli hukm qilishning ahamiyati to’g’risida G’.Ermatov, voyaga yetmagan shaxsni g’ayri ijtimoiy xatti-harakatlarga jalb qilish jimoiyatining ijtimoiy xavfliligi to’g’risida huquqshunos olimlar S.Niyozova va Sh.Abduqodirovlar, voyaga yetmaganlar jinoyatchiligining krimologik tavsifi to’g’risida V.Abdullayeva, gumon qilinayotgan voyaga yetmagan o’smirlarni so’roq qilishning psixologik xususiyatlari to’g’risida G’.Normurodov, voyaga yetmaganlar jinoiy javobgarligining umumiy tavsifi haqida U.Mirzayev va boshqalar ilmiy tadqiqot ishlarini olib borishgan. Ammo Voyaga yetmagan shaxsni g‘ayriijtimoiy hatti-harakatlarga jalb qilish jinoyati uchun javobgarlik asoslari yetarlicha o’rganilmagan. Shu bois magistrlik dissertasiyamizning mavzusini “Voyaga yetmagan shaxsni g‘ayriijtimoiy hatti-harakatlarga jalb qilish jinoyati uchun javobgarlik asoslari” tarzida tanladik.
Tadqiqot maqsadi: Voyaga yetmagan shaxsni g‘ayriijtimoiy hatti-harakatlarga jalb qilish jinoyati uchun javobgarlik asoslari va uni asoslash yo’llariga oid uslubiy tavsiyalar ishlab chiqish.
Tadqiqot obyekti: Voyaga yetmagan shaxsni g‘ayriijtimoiy hatti-harakatlarga jalb qilish jinoyat protsesidagi jinoyatchilar va jinoyatchilar guruhi, voyaga yetmagan shaxslar.
Tadqiqot predmeti: Voyaga yetmagan shaxsni g‘ayriijtimoiy hatti-harakatlarga jalb qilish jinoyati uchun javobgarlik asoslari, jinoiy javobgarlikga tortish sabablari.