Mundarij a I. I o‘quv materiallar (ma’ruza)

І. Ўқув фанининг долзарблиги ва олий касбий таълимдаги ўрни
Транспортда логистик хизматлар умумий логистик тизимнинг ажралмас қисми бўлиб, логистик хизматларни самарали ташкил этилишини таъминлайди. Транспорт логистик хизматларни турли аспектларда қараш мумкин. Бозор иқтисодиёти шароитида логистика хизмат кўрсатишнинг усули сифатида истеъмолчилар эхтиёжини қондириш, тадбиркорлик фаолиятини амалга оширишда логистика тамойилларидан фойдаланиш, транспорт хизматлари кўрсатиш жараёнида иқтисодий конъюнктура билан алоқаси, логистик хизматлар аутсорсинги, логистик марказлар ва терминалларда транспорт-логистик хизматларни лойиҳалаштириш, яратиш ва бошқаришдан иборат. Ундан ташқари, бу фаолият, товарлар экспорт ва импортида божхона режими, суғурта, автосервисда логистик хизматлар, ,ҳаракати, моддий оқимларнинг жисмоний ўтишини ташкил этишга йўналтирилган.

Бошқа нуқтаи-назардан бу фан моддий ва номоддий оқимларни истеъмолчиларга тайёр маҳсулот ҳолида етказиб бериш жараёнидаги вазифалар ва операцияларни режалаштириш, ташкил этиш, назорат қилиш ва бошқаришдан иборат. Жаҳон тажрибаси шуни кўрсатмоқдаки, истеъмолчиларнинг товар, маҳсулот ва хомашёга бўлган эҳтиёжларини таъминлаш соҳасида халқаро логистик хизматларни самарали ташкил этиш ва бошқаришнинг янги технологияларини, хусусан, логистика тамойилларини кенг қўллаш асосида амалга ошириш мумкин бўлади.

Фаннинг долзарблиги ҳамда унга нисбатан тобора ортиб бораётган талаб ва қизиқиш моддий оқимлар билан шуғулланувчи тизимлар фаолиятига логистик нуқтаи-назардан ёндашишнинг самарадорлиги билан белгиланади.

“Транспортда логистик хизматлар” фани ихтисослик фанлар блокига киритилган курс ҳисобланиб, 4 курсда ўқитилиши мақсадга мувофиқ. “Транспорт умумий курси”, “Интеллектуал транспорт тизимлари”, “Логистика”, “Мультимодал транспорт”, “Транспорт тизимларини режалаштириш” каби умумкасбий фанлар ва ихтисослик фанлари билан ўзаро боғлик ҳамда услубий жиҳатдан узвийдир.