Монография / (ТИҚхмми илмий Кенгаши томонидан чоп этишга тавсия қилинган) Тошкент-2019

Чегаравий (чекланган) дала нам сиғими. Тажриба далаларидаги тупроқнинг чегаравий дала нам сиғими (ЧДНС) ёки сув ушлаб туриш хусусияти қатламдаги капиллярларда энг кўп миқдордаги сувни қуйи қатламга оқиб кетмасдан, сезиларли даражада узоқ вақт давомида ҳаракатсиз ушлаб туриши билан тавсифланади.
Чегаравий дала нам сиғими биринчи навбатда тупроқ гранулометрик таркибига, структурасига ва зичлигига боғлиқ ҳисобланади. Гранулометрик таркиб-оғир қумоқ, маданийлашган тупроқларда ЧДНС 30-35 фоизни ташкил этса, қумли тупроқларда 10-15 фоиздан ошмайди.
Тупроқнинг чекланган дала нам сиғими суғориш муддатлари ва меъёрларини белгилашда муҳим кўрсаткич ҳисобланади.
4.2.2-жадвалда тажриба далалари тупроғининг ЧДНС бўйича маълумотлар келтирилган.
4.2.2-жадвал Тажриба далалардаги тупроқларнинг чегаравий дала нам сиғими
(ЧДНС)

Тажриба даласи	Қатлам, см	ЧДНС
		Оғирлигига нисбатан фоизда	Ҳажмига нисбатан фоизда
2011 йил.
1	0-50	19,36	25,2
	0-70	19,41	25,6
	0-100	19,01	24,9
2	0-50	20,64	28,1
	0-70	20,17	27,6
	0-100	20,32	27,2
3	0-50	21,69	30,8
	0-70	21,84	30,8
	0-100	22,07	30,9

4.2.2-жадвалда келтирилган маълумотларга кўра, 2011 йилнинг ўсув даври бошида тупроқнинг ЧДНС: 0-50 см.лик қатламда тажриба далалари бўйича: - 19,36 (1-тажриба), - 20,64 (2-тажриба), - 21,69 (3-тажриба) %; 0-70 см.лик қатламда: -19,41 (1-тажриба) - 20,17

(2-тажриба), 21,84 (3-тажриба) %; 0-100 см.лик қатламда: - 19,01 (1-тажриба) - 20,32 (2-тажриба), 22,07 (3-тажриба) фоизга тенг бўлди. Тупроқнинг сув ўтказувчанлиги. Маълумки, тупроқнинг сув ўтказувчанлиги нафақат тупроқнинг механик таркиби, зичлиги ва ғоваклиги тупроқ донодорлигига ҳам боғлиқ. Сув ўтказувчанлиги қанча катта бўлса, тупроқнинг донодорлиги юқори бўлади. Кўп йиллик тажриба натижаларига кўра, тупроқнинг сув ўтказувчанлиги, механик таркиби бўйича оғир тупроқларда механик таркиби бўйича
енгил тупроқларга нисбатан анча паст бўлади. Тупроқнинг сув ўтказувчанлиги экинларни суғориш муддатлари ва меъёрларини аниқлашда зарур бўлган энг асосий кўрсатгичлардан бири ҳисобланади. Тажриба майдонида тупроқнинг сув ўтказувчанлиги ғўза даласи учун хар йили баҳорда чигит экишдан олдин «ички ва ташқи халқалар» усулида 6 соат давомида аниқланди (4.2.3-жадвал).
4.2.3-жадвал Тажриба далалари тупроғининг сув ўтказувчанлиги

Тажриба	Йиллар	Вегетация бошида		Вегетация охирида
		м^3/га	мм/мин	1 вариант		2-вариант			3-вариант			4-вариант
				м^3/га	мм/мин		м^3/га	мм/мин		м^3/га	мм/мин		м^3/га	мм/мин
1	2011	1616	0,449	1335	0,371		1384	0,384		1464	0,407		1406	0,391
	2012	1395	0,388	1101	0,306		1110	0,308		1203	0,334		1146	0,318
	2013	1458	0,405	1179	0,328		1209	0,336		1301	0,361		1236	0,343
2	2011	1279	0,355	1012	0,281		1114	0,309		1193	0,331		1119	0,311
	2012	1299	0,361	1078	0,299		1155	0,321		1171	0,325		1101	0,306
	2013	1252	0,348	1077	0,299		1114	0,309		1198	0,333		1130	0,314
3	2011	791	0,220	641	0,178		666	0,185		719	0,200		690	0,192
	2012	849	0,236	688	0,191		722	0,201		781	0,217		747	0,208
	2013	808	0,224	663	0,184		696	0,193		747	0,208		708	0,197

Тажриба даласининг ўсув даври бошида 6 соатлик кузатув натижаларига кўра сув ўтказувчанлик хар гектарига 791 (3-тажриба, 2011 й.) дан 1616 (1-тажриба, 2011 й.) м³. гача ёки 0,219 дан 0,449 мм/мин (4.2.3-жадвал)гачани ташкил қилди. Ўсув даври охирида барча тажриба далаларда сув ўтказувчанлик 6 соат давомидаги кузатиш натижасида гектарига 68 дан 122 м³. гача камайди. Тупроқнинг сув ўтказувчанлиги бошланганидан уч соатдан кейин барқарорлашди, сув ўтказувчанлик гектарига 84-180 м³ оралиғида ўзгарди. Тажрибаларнинг барча вариантларида тупроқ қатламли бўлгани сабабли сув ўтказувчанлик нисбатан паст бўлганлиги

кузатилди.

1. 
   тажриба даланинг вариантлари (2011 й.) бўйича тупроқнинг сув ўтказувчанлигини ўсув даври бошида гектарига 1616 м³ ёки 0,449 мм/мин бўлган бўлса, вегетация даври охирига келиб: 1 вариантда: 1335 м³ ёки 0,371 мм/мин; 2 вариантда: 1384 м³ ёки 0,384 мм/мин; 3
   

вариантда: 1464 м³ ёки 0,407 мм/мин; 4 вариантда: 1406 м³ ёки 0,391 мм/мин. ни ташкил қилди.

2. 
   тажриба даланинг вариантлари (2011 й.) бўйича тупроқнинг сув ўтказувчанлигини ўсув даври бошида гектарига 1279 м³ ёки 0,355 мм/мин бўлган бўлса, вегетация даври охирига келиб: 1 вариантда: 1012 м³ ёки 0,281 мм/мин; 2 вариантда: 1114 м³ ёки 0,309 мм/мин; 3
   

вариантда: 1193 м³ ёки 0,331 мм/мин; 4 вариантда: 1119 м³ ёки 0,311 мм/мин. ни ташкил қилди.

3. 
   тажриба даланинг вариантлари (2011 й.) бўйича тупроқнинг сув ўтказувчанлигини ўсув даври бошида гектарига 791 м³ ёки 0,220 мм/мин бўлган бўлса, вегетация даври охирига келиб: 1 вариантда: 641 м³ ёки 0,178 мм/мин; 2 вариантда: 666 м³ ёки 0,185 мм/мин; 3
   

вариантда: 719 м³ ёки 0,200 мм/мин; 4 вариантда: 690 м³ ёки 0,192 мм/мин. ни ташкил қилди. Барча тажриба ва вариантларда шундай боғлиқлик юзага келди.
Барча тажриба ва вариантларда шундай боғлиқлик юзага келди.
Юқорида келтирилган тахлиллар натижасида қуйидагича хулоса келиш мумкин. Тадқиқот натижаларига ва ҳисоб-китоб ишлари бўйича барча тажрибалар бўйича 3 вариант, яъни суғориш олди тупроқ намлиги ЧДНСга нисбатан 70-80-60 фоизда ушлаб турилганда, энг яхши cув ўтказувчанликка эга эканлиги тасдиқланди (4.2.3-жадвал).
Тупроқнинг сув-физик ҳоссаларидан бири, бу тупроқнинг сув ўтказувчанлиги ҳисобланади. Н.А.Качинский тавсифи бўйича суғориш нуқтаи назардан тажриба даласидаги тупроқларнинг дастлабки сув ўтказувчанлиги (1 соат давомида) қониқарли ва С.В.Астановга кўра, ўртадан кучсизгача деб баҳолаш мумкин.

3. Тажриба далалари тупроғининг намлиги динамикаси

Суғорма деҳқончилик шароитида қишлоқ хўжалик экинларидан юқори ва барқарор ҳосил олишда тупроқнинг намлик режими асосий омил ҳисобланади. Буни амалга оширишда барча омилларни тўғри бошқариш шарт, яъни озуқа, ҳаво, иссиқлик ва бошқалар. Илмий тадқиқот ишларни белгиланган тажриба тизими асосида амалга оширишда суғориш олди тупроқ намлигини белгиланган меъёрда ушлаб туришга эришиш муҳим омил ҳисобланади. Амалда жойларда бажарилган ишлари натижасига кўра тупроқнинг ҳақиқий намлиги ± 2,0 фоизни ташкил қилди. Бу эса илмий-тадқиқот ишлар услубий жиҳатдан тўғри олиб борилганлигини исботлайди. Хоразм вилоятида олиб борилган ғўзанинг ўсиши ва ривожланиши даврида тупроқ намлигининг ўзгариш динамикаси тўғрисидаги маълумотлар 4.3.1- жадвалда келтирилган.
4.3.1-жадвалда тажриба даласининг барча вариантларида тупроқ намлиги белгиланган режим асосида амалга оширилганлиги келтирилган.
Ишлаб чиқариш назорати (1-вариант)да тажриба ўтказиш йиллари бўйича тупроқнинг ҳақиқий намлиги ғўза даласида суғоришдан олдин 53,1-67,3 фоизни ташкил қилди.
Суғориш олди тупроқ намлиги ЧДНСга нисбатан 70-70-60% (2- вариант)да, ғўза гуллашгача бўлган даврда 0-50 см., гуллаш-кўсак тугиш (0-100 см.) ва пишиш даврида 0-70 см ҳисобий қатлам бўйича суғоришнинг ҳақиқий намлик миқдори аниқланди. Тупроқнинг ғўза гуллашигача ва гуллаш-кўсак тугиш даврларида намлиги ЧДНСга нисбатан 68,0 - 68,7 % ва пишиш даврида 58,0-58,2 % бўлди.
Тажрибанинг 3-варианти, яъни суғориш олди тупроқ намлиги ЧДНСга нисбатан 70-80-60 фоизда ушлаб турилганда: ғўза гуллашгача тупроқнинг ҳақиқий намлиги ЧДНСга нисбатан: 68,0 - 68,5 %, гуллаш-кўсак тугиш даврида: 78,0 - 78,8%, пишиш даврида: 58,3 % (1-тажриба дала) бўлганлиги аниқланди.
4.3.1-жадвал Тажриба далалари тупроғи намлигининг ўзгариши, %

Тажриба дала номери	Вариантлар	Тупроқнинг чегаравий дала нам сиғими, %	Суғориш тизими	Суғоришлар бўйича намлик фоизи
2011-2013 йй
1	1	Ишлаб чиқариш назорати	1-2-1	53,1 - 56,8
	2	70-70-60	1-3-1	58,1 - 68,7
	3	70-80-60	1-4-1	58,3 - 78,8
	4	70-80-60 (намлик дефицити 30 фоизга оширилган)	1-3-1	58,3 - 78,5
2	1	Ишлаб чиқариш назорати	1-2-1	57,5 - 61,2
	2	70-70-60	1-3-1	58,0 - 68,3
	3	70-80-60	1-4-0	68,0 - 78,7
	4	70-80-60 (намлик дефицити 30 фоизга оширилган)	1-3-1	58,1 - 78,3
3	1	Ишлаб чиқариш назорати	1-2-1	62,6 - 67,3
	2	70-70-60	1-2-1	58,2 - 68,3
	3	70-80-60	1-3-0	68,0 - 78,5
	4	70-80-60 (намлик дефицити 30 фоизга оширилган)	1-2-1	58,1 - 78,4

Тажрибанинг 4-варианти, яъни суғориш олди тупроқ намлиги ЧДНСга нисбатан 70-80-60% (суғориш меъёри 30 фоизгача оширилган)да, ғўза гуллашгача тупроқнинг ҳақиқий намлиги ЧДНСга нисбатан: 68,0 - 68,4%, гуллаш-кўсак тугиш даврида: 78,0 - 78,5%, пишиш даврида: 58,1 - 58,3 фоизга тўғри келди.

100 см.ли қатламнинг намлик танқислигида вариантлар бўйича ҳисобланган суғориш меъёри берилганда ўртача тупроқнинг намлаш чуқурлиги 70-90 см. бўлди.

4.