Moliya-iqtisod

 

I bob bo’yicha xulosa 

 

Xulosa o’rnida aytish mumkinki, moliyaviy globallashuv sharoitida davom 

etayotgan jahon moliyaviy-iqtisodiy  inqirozi va  uning  mamlakatimiz 

iqtisodiyotiga ta’sirini e’tiborga olgan holda bank-moliya tizimi barqarorligini 

ta’minlash muhim ustuvor vazifa bo’lib qolmoqda

8

. Shunday ekan, moliya 

bozorining har bir segmentini yaxlit mezonlar asosida ilmiy tadqiq etish 

respublikamiz  moliya  bozori  barqarorligining  konseptual  asoslarini 

takomillashtirishga xizmat qiladi. Mamlakatimiz fond bozorining investitsion 

jozibadorligini oshirish birinchi galda hal qilinishi lozim masaladir. Bunda fond 

bozori orqali qulayliklari va afzalliklarini ko’rsatib, uni individual va korporativ 

sarmoyadorlarning bo’sh turgan pul mablag’laridan eng yuqori daromad 

keltiruvchi moliyaviy makonga aylantirish lozim. 

Moliya bozori konsepsiyasi moliyaviy resurslarning doiraviy aylanishidan 

chetda bo’lgan mablag’larni moliya bozoriga jalb etib, ularga muhtojlarni to’liq 

ta’minlash,  resurslardan  samarali  foydalanish  yo’llarini  o’zida 

mujassamlashtiradi. 

Moliya bozoriga resurslarni keng jalb etish uchun zamon talabiga mos 

moliya bozori institutlarini shakllantirish, turli mulk huquqini himoya qilgan 

holda  fond  aktivlari kapitallashuvini  oshirish,  bozor  infratuzilmasini 

rivojlantirish bilan bog’liq yirik investitsion va mahalliy loyihalarni amalga 

oshirish, pensiya sohasidagi islohotlarni jadallashtirish, moliyaviy operatsiyalar 

                                                             

8

 Karimov I.A. Asosiy vazifamiz – Vatanimiz taraqqiyoti va xalqimiz farovonligini yanada yuksaltirishdir. T.: 

O’zbekiston, 2011-yil, 56-bet 

---

- 25 - 

uchun va korporativ boshqaruv sohasida zamonaviy qonuniy-huquqiy bazani 

barpo etish kabi masalalar bilan bog’liq.  

---

- 26 -