Milliy istiqlol g‘oyasi va ma’naviyat asoslari -sinf

Darsning borishi:

I. Tashkiliy qism.

a) salomlashish.

b) davomatni aniqlash.

II. О`tilgan mavzuni savol-javob asosida mustaxkamlash.

1. 
   Taraqqiyot yoii va modeli deb nimaga aytiladi?
   
2. 
   O`zbek modeli kim tomonidan ishlab chiqilgan?
   
3. 
   Vatanimizning strategik yo`li qanday maqsadga qaratilgan?
   
4. 
   «Shok terapiyasi» deganda nimani tushunasiz?
   
5. 
   O`zbek modelining asosiy ma`no-mazmuni nimadan iborat?
   
6. 
   O`zbek modelining asosini tashkil etadigan besh tamoyilni sanab bering.
   

III. Yangi mavzuning bayoni.

BUGUNGI ISLOHOTLAR HAQIDA SUHBAT

(Amaliy mashg`ulot)

Hurmatli o`quvchilar, kuzatayotganingizdek, xalqimiz turmushining barcha jabhalarida, respublikamiz siyosiy hayoti, iqtisodiyoti, ijtimoiy-madaniy sohalarida turli xil o`zgarishlar, ijobiy yangilanishlar muntazam tarzda sodir bo`lmoqda. Ommaviy axborot vositalarida esa eng ko`p ishlatiladigan so`zlardan bin «islohot» so`zi hisoblanadi. Xo`sh, shu ikki hodisa o`rtasida qanday bog`liqlik bor?

Bilasizki, mamlakatimiz mustaqillikka erishgach, eski tuzum davrida o`rnatilgan siyosiy, iqtisodiy, mafkuraviy boshqaruv tizimiga chek qo`yildi. Xususan, davlatni boshqarishning mutlaqo yangi, demokratik usullari joriy etildi. Iqtisodiyotning siyosatga bog`liqligiga barham berildi. Yurtimizda inson sha`ni, huquq va erkinliklari eng oliy qadriyat deb e`lon qilindi. Xalqqa o`zligini tanitish, uni tarix bilan qurollantirish, tarixiy xotirasini uyg`otish borasida ulkan ma`rifiy ishlar amalga oshirildi. Bu o`zgarishlarning asosida esa Prezidentimiz Islom Karimov boshchiligida ishlab chiqilgan, yurtimizda ozod va obod Vatan, erkin va farovon hayot barpo etish maqsadiga yo`naltirilgan islohotlar turibdi.