Microsoft Word iqbol mirzo ziyouz com doc

www.ziyouz.com kutubxonasi 
143
Yuragim nimtadir, ey go‘zal yarmim, 
Ikki vujuddagi bitta odammiz. 
 
Sinov bu, deymiz-da, bu ko‘hna savdo, 
Dunyoni unutsin, dedimi Xudo. 
Qiyomatni kutsin, dedimi Xudo, 
Ikki vujuddagi bitta odammiz. 
 
2006 
 
SUVRAT 
 
“Eslaganda ko‘ring... Ko‘rgach eslamang...” 
Imzo. Sana. Rasm – qog‘oz... Sevgilim. 
Hayotdan rang ketdi va tindi ohang, 
Bizdan suvrat qoldi xolos, sevgilim. 
 
Xushbaxt kunlarimdan xotira – yodgor, 
O‘zimdan qizg‘anib qarayman takror. 
Baxtning soyasidan bo‘lak nimam bor? 
Bizdan suvrat qoldi xolos, sevgilim. 
 
Na shahdu na shiddat, na jur’at qoldi, 
Na ahdu na rag‘bat, na sur’at qoldi. 
Tushda ko‘rgan kabi shul suvrat qoldi, 
Bizdan suvrat qoldi xolos, sevgilim. 
 
Hech qachon hech kimga etmas-ku dodim, 
Etsa, inobatga o‘tmas-ku dodim. 
Armon shu – suvratda qotsa hayotim, 
Bizdan suvrat qoldi xolos, sevgilim. 
 
Suvratdek sarg‘ayib o‘char izimiz, 
Mazmunin yo‘qotib borar ismimiz. 
Jismimiz yuribdi, faqat jismimiz... 
Bizdan suvrat qoldi xolos, sevgilim. 
 
2006