Microsoft Word haj va umra ziyouz com doc

www.ziyouz.com

 kutubxonasi 

26

amallariga bizlarni muvaffaq qilgin. Ey suyanib, tayaniladigan zot, O‘zingga ro‘baro‘ 

bo‘linadigan kun uchun hozirlanish bilan bizlarni rizqlantirgin. 

 

Allohim, bizlarni najot topganlar dasturiga yo‘llagin. Iymon, ishonch libosi bilan 

kiyintirgin. O‘zing tarafingdan ochiq-ravshan tavfiq bilan xoslagin. Haq so‘zga muvaffaq 

qilib, unga ergashishlikni nasib qilgin. Bizlarni botildan xalos qilib, unga ergashishlikdan 

asragin. Bizlarni qo‘llaguvchi bo‘lgin. Bizning zararimizga fojirni qo‘llovchi bo‘lmagin. 

Farovon hayotni nasib qilgin. Dushman va hasadgo‘ylar ichqoraligidan asragin.Bizlarni 

manfaatli ilm, qabul etilgan amal, zakiy fahm, sof tab’ va har bir kasallikdan davo bilan 

rizqlantirgin.  

 

Allohim, bizlarga mag‘firating bilan muomala qilgin, fazling va ehsoning bilan omonlik 

bergin, do‘zaxdan panoh bergin, halokat va sharmandalik diyorida ofiyat ato etgin, 

fazling bilan dorul-qaror bo‘lmish jannatga kirgizgin. O‘z roziliging diyorida ne’mat ato 

etilganlar bilan birgalikda qilgin ey ma’rifati qalblarga zohir bo‘lgan, mavjudligi maxfiy 

bo‘lmaydigan, jamiki maxluqlarini karami va sahiyligida umumiy qilgan Zot! 

 

Allohim, ahdimni bu ulug‘ o‘rindagi oxirgi ahdim qilmagin, bu yerga ko‘p marotaba 

qaytib kelishligimni umumiy bo‘lgan lutfing bilan rizqlantirgin. Unda meni najot topgan, 

rahm qilingan, duolari mustajob etilgan va qabul, rizvon, kechib yuborishlik, mag‘firat va 

keng, halol rizq bilan foyda ko‘rganlardan qilgin. Jamiki ishlarim va qaytib boradiganim 

ahlim, molim va bolalarimda barakot ato qilgin.  

 

Parvardigoro, bizlarga dunyoda ham, oxiratda ham yaxshiliklarni ato etgin va bizni 

do‘zax azobidan asragin. 

 

Bizlarni, ota-onalarimizni, zurriyotlarimizni, og‘a-inalarimizni, ahlu ayollarimizni, 

musulmonlardan bo‘lgan hozirlarimizni va g‘oiblarimizning hammalarini o‘z rahmating 

bilan mag‘firat qilgin, ey rahm qiluvchilarning rahmlirog‘i! Sayyidimiz Muhammad 

(s.a.v.)ga va u kishining ahli va ashoblarining hammalariga Allohning salotu salomi 

bo‘lsin.