Microsoft Word Allamuratov A

Temani’n’  a’hmiyetliligi  :  Qaraqalpaq  tilindegi  ra’smiy  is  qag’azlar  stilinin’  wo’zine 
ta’n  wo’zgesheliklerin  ha’r  ta’repleme  ashi’p  ko’rsetedi.  Jumi’s  qaraqalpaq  a’debiy  tilinin’ 
tari’yxi’n,  ilimiy  grammatikasi’n,  funkcional  stilistikasi’n  qosi’msha  materiyallar  menen 
toli’qti’ri’wg’a  mu’mkinshilik  beredi.  İs  ju’rgiziwde  hu’jjetlerdi  ani’q  tolti’ri’wg’a,  wolardan 
duri’s paydalani’wg’a ja’rdemin tiygizedi.  
Jumi’si’mi’zdi’n’  maqseti  ha’m  wazi’ypalari’:  Ra’smiy  is  qag’azlar  stilinin’  ha’zirgi 
qaraqalpaq  a’debiy  tilindegi  funkcional  stillerdin’  ayri’qsha  bir  tu’ri  spati’nda  tiykarg’i’ 
belgilerin  ani’qlaw,  woni’n’  wo’zine  ta’n  bolg’an  leksikali’q,  morfologiyali’q  ha’m  sintaksislik 
wo’zgesheliklerin ashi’p ko’rsetiw. Bul maqsetti wori’nlaw ushi’n to’mendegi wazi’ypalar alg’a 
qoyi’ldi’: 
-qaraqalpaq tilinde ra’smiy is qag’azlar stilinin’ qa’liplesiw ha’m rawajlani’w jollari’n 
 ani’qlaw; 
 
- ra’smiy is qag’azlar stiline ta’n belgilerdi ashi’p ko’rsetiw; 
 
- ra’smiy is qag’azlar hu’jjetlerinin’ tu’rlerin ani’qlaw; 
 
- ra’smiy is qag’azlar stilinin’ leksika-semantikali’q wo’zgesheliklerin ani’qlaw; 
 
-  ra’smiy  is  qag’azlar  stiline  ta’n  bolg’an  morfologiyali’q  ha’m  sintaksislik 
wo’zgesheliklerdi ashi’p ko’rsetiw; 
 
- qaraqalpaq tilindegi ra’smiy is qag’azlar stilinin’ ja’miyetlik siyasiy turmi’stag’i’  ha’m 
ha’zirgi qaraqalpaq a’debiy tilinin’ so’zlik qurami’n bayi’ti’wdag’i’ xi’zmetin ani’qlaw;