Microsoft Word aa mundarija lotin yangi

 Onomastik o‘yinlar (“O‘tkir zehnli bellashuvi”, “Viktorina”) 
O‘quvchilar o‘rtasida onomastikadan ommaviy tadbirlarning (devoriy 
gazeta, konkurs, viktorina, kecha va boshqalarning) to‘g‘ri va o‘rinli tashkil 
qilinishi o‘quvchilarning onomastik qiziqishini oshirish bilan bir qatorda 
o‘quvchilarning mustaqillik va ijodiy tashabbus ko‘rsatish qobiliyatini 
o‘stirishga katta imkon yaratadi. Biz bu o‘rinda onomastika bo‘yicha 
o‘tkaziladigan ommaviy tadbirlar – “O‘ZB” va viktorina kabi tadbirlarga doir 
o‘z tajribalarimizni bayon qilamiz. 

---

65 
O‘tkir zehnlilar bellashuvi (“O‘ZB”).
Onomastika to‘garagi ishlarida 
o‘quvchilar faolligini oshirishda muhim tadbirlardan biri o‘tkir zehnlilar 
bellashuvini tashkil qilishdir.
Ma’lum sinflarda yoki parallel sinflarda onomastika ma’lum bo‘lim 
materillari o‘rganilgach, to‘garak a’zolari va ommaviy sinflar o‘quvchilarining
bilim darajalarini sinash maqsadida to‘garak guruhlari yoki parallel sinf 
o‘quvchilari o‘rtasida uyushtiriladi. 
Bellashuv uyushtirilishidan oldin barcha o‘quvchilar bellashuvning dasturi, 
mazmuni, hajmi, umumiy savollar va ularni bajarish tartiblari bilan 
tanishtiriladi. Bellashuvning yuqori hay’atini maktab ma’muriyati maktab 
direktorining ma’naviyat va ma’rifat bo‘yicha muovini, ona tili va adabiyoti 
fanlari metod birlashma rahbari, oliy toifadagi o‘qituvchilar tashkil qiladi. 
Yuqori hay’atning odilona, xolisona ishlashi har jihatdan ham muhimdir. 
Bellashuvda qatnashayotgan jamoa (guruh)larga munosib nomlar qo‘yiladi, 
an’anaviy tanishish, tabriklash bo‘lib o‘tadi va nihoyat, qat’iy reja va tartibda 
bellashuv tashkil qilinadi. Bahslashuvning tartibli va chiroyli chiqishi uchun 
unga jiddiy tayyorgarlik ko‘riladi- yozish uchun xat taxtalar, bo‘r, lattalar, 
shuningdek, zarur bo‘ladigan boshqa narsa-predmet, jihozlar foydalanishga 
qulay bir tarzda tayyorlab qo‘yiladi. Bahsga qatnashuvchilarning og‘zaki va 
yozma nutqlariga, o‘zlarini tuta olishlariga, erkin muomalaga kirisha olishlariga, 
muomala odobiga rioya qilishiga katta e’tibor beriladi. Bellashuv yuqori 
hay’atning baholarni e’lon qilish, g‘oliblarini aniqlash, rag‘batlantiruvchi 
mukofotlarni taqdim qilib, o‘quvchilarning kelgusi o‘qishlarida muvaffaqiyatlar 
tilab, bellashuv nihoyasiga yetadi.