Mexanika fakulteti

KIRISH…………………………………………………………………………………………5

MUSTAQIL TALIMNI TASHKIL ETISH UCHUN TOPSHIRIQLARNI OLISH VA BAJARISH TARTIBI……………………………………………..6

MUSTAQIL TALIMNI TASHKIL ETISH UCHUN TOPSHIRIQLARNI OLISH VA BAJARISH TARTIBI 6

1 - HISOB – GRAFIK ISHI 7

Mavzu: Tekislikda joylashgan kuchlar sistemasining muvozanati 7

Mavzu: “Qattiq jismning qoʻzgʻalmas oʻq atrofidagi aylanma harakati” 12

Mavzu: “Qattiq jismning ilgarilanma va qoʻzgʻalmas oʻq atrofida aylanma harakati” 17

3-HISOB – GRAFIK ISHI 19

Mavzu: “Moddiy nuqta harakat differentsial tenglamasini integrallash” (dinamikaning 2-masalasini yechish). 20

3- HISOB – GRAFIK ISHI MASALASINI BERILISHI 22

FOYDALANILGAN ADABIYOTLAR 24

1-HISOB – GRAFIK ISHI BERILISHI 9

2 - HISOB – GRAFIK ISHI 13

3-HISOB – GRAFIK ISHI 20

3- HISOB – GRAFIK ISHI MASALASINI BERILISHI 21

FOYDALANILGAN ADABIYOTLAR 24
KIRISH

Nazariy mexanika fani absolyut qattiq jism mexanikasi asoslarini oʻrgatib, keyinchalik deformatsiyalanuvchi jismlar mexanikasi va suyuqliklar mexanikasi fanlari uchun kerakli asos hisoblanadi. Demak, nazariy mexanika fani kuch ta’siridagi absolyut qattiq jismlarning harakatini va holatini o‘rganadi. Biz oʻrganayotgan nazariy mexanika fani Galiley– Nyuton qonunlariga asoslangan boʻlib, klassik mexanika deb ataladi. Klassik mexanikada vaqt va fazo jismlarning harakatiga bogʻliq emas hamda jismning massasi uning tezligiga bogʻliq emas deb qaraladi.

Nazariy mexanika fundamental fan hisoblanib, uning usullari koʻp sohalar boʻyicha texnika masalalarini yechishda undan keng qoʻllanilib kelinadi. Shu sababli, boshqa fundamental fanlar kabi, har bir texnika oliy oʻquv yurtlarida tegishli ajratilgan soatlarga bogʻliq ravishda albatta oʻrganiladi.

Nazariy mexanika fanini oʻrganishda, tabiatdagi hodisalarni kuzatib, tadqiq qilish, ularni matematik koʻrinishda ifodalash va modellashtirish usullari juda muhim ahamiyatga ega boʻlganligi uchun, uni oʻrganish ayrim qiyinchiliklarga olib keladi. Shu sababli, muhim bir masalani yechish jarayonida talabalar ma’lum uslubiy qiyinchiliklarga duchor boʻladilar. Buning asosiy sababi shundan iboratki, ular nazariy bilimlar bilan amaliy masalalar orasidagi bogʻlanishlarni qiyinchilik bilan tushunadilar. Shu sababli oʻqituvchilarning oldida, talabalarning ilmiy tadqiq qilish usullarini oʻrgatish muammosi turadi.

Nazariy mexanika fani, statika, kinematika va dinamika qismlariga ajraladi. Statika qismida, kuchlar haqidagi bilimlar va kuchlar tahsiridagi jismlarning muvozanatlik shartlari oʻrganiladi. Kinematika qismida, jismlarning harakatlarini umumiy geometrik xususiyatlari oʻrganiladi. Dinamika qismida esa, moddiy jismlarning kuch ta’siridagi harakatlari oʻrganiladi.