Mavzu: navoiy asarlari tilida ishlatilgan, xozirgi o’zbek tilida eskirgan leksik qatlam mundarija kirish

2.1.1-rasm. Asarda qo‘llangan so‘zlar miqdori.

Biz yuqorida ot va fe’l so‘z turkimiga mansub so‘zlarnigina ma’no jihatdan tasnif qildik. Otlar kabi fe’llar ham lug‘aviy ma’no guruhlariga ajratilishi mumkin, lekin bizga ularning ichki tasnifi bilan shug‘ullanishga ishning hajmi imkon bermadi. Olmosh va ravish so‘z turkumlariga mansub so‘zlar ham anchagina, biroq ularni ma’noviy va lug‘aviy jihatdan tasnif kilishga yetarli asos yo‘q. Boshqa turkumlarga oid so‘zdar ham yodgorliklarda uchraydi. Bu so‘zlar haqida ham olmosh va ravish so‘z turkumlari haqida bayon etilgan fikrni aytish mumkin. Alisher Navoiy «Majolisun-nafois» asari leksikasida yordamchi so‘z turkumlariga xos: bog‘lovchilar -kim, toqi/dog‘i; ko‘makchilar: birla/birlan/bilan, uchun, uzra, ko‘ra, sari; undov: oyo kabi so‘zlar ham keng qo‘llangan. Demak, Alisher Navoiyning «Majolisun-nafois» asaridagi turkiy TEQning asosiy qismini fe’llar tashkil qiladi, chunki bu asar XIV-XV asrlarda Movaraunnahr va Xurosonda yashab ijod etgan 445 shoirning hayoti haqida qisqacha ma’lumot beradi, shuningdek, ularning g‘azallaridan namunalar keltiradi. Bu ijodkorlorning faqat 14 tasi turkigo‘y bo‘lib, qolgan 431 tasi fors- tojik tilida ijod qilishgan. Shu boisdan ham bu «Majolisun-nafois»da adabiyot va ijod bilan bog‘liq so‘zlar qo‘llangan va ular o‘z atrofida arabiy-forsiy sinonimlarni birlashtirgan. Shuning uchun ham yodgorliklarda turkiy TEQga mansub so‘zlar son jihatidan o‘zlashgan so‘zlardan kam bo‘lsa-da, ular dominant sifatida faoliyat ko‘rsatgan. Ushbu bois ham turkiy so‘zlar nufuzi arabiy va forsiy so‘zlardan ustunligi ta’minlangan.