Mavzu: bog`-parklar barpo etish tarixi

YAPON VA XIYOY

Yapon va Xitoy bog’lari o’zining xotirjamlik, tinchlik va sokinligi bilan ajralib turadi. Ularning tarkibida albatta suv inshootlari, besedkalari va toshlar bo’lishi shart bo’lgan.

Yaponiya va Xitoy mamlakatlarida peyzaj san’ati juda qadim tarixga ega. Bog’ yaratish uslublari tabiat va insonning birligi, ularning qadimiy falsafiy va urf odatlari asosida kelib chiqqan

Bu mamlakat bog'lari to'g'risidagi turli xil yozma manbaalar, rasmlar va boshqa tasvirlarda bizgacha yetib kelgan birinchi ma'lumotlar er.av. XII asrga taalluqlidir. Gap qadimgi Xitoyning birinchi bog'laridan birini yaratgan xitoy xoqoni Cheu to'g'risida ketyapti. Cheudan keyin hokimiyat tepasiga kelgan Mu Uang turli xil inshoatlari bilan hashamatli bog' yaratdi.

Imperator Szin Xi Xoang o'zining 41 yillik hukmronligi davrida 1000 ga dan oshiq maydonli ulkan bog' yaratdi va unda o'zi bosib olgan saroylar sonicha saroy qurdirdi.

Xitoy eposi "Ashulalar kitobi"da imperator Ven Vang tomonidan er.av. 1150 yilda 375 ga maydonda yaratilgan "Bilimlar bog'i" to'g'risida gapiriladi. O'sha erda imperator Shi Xang Ti bog'i ham eslatiladi. Bog'ning chegaralari 120-130 km ni tashkil etgan. Er.av. 197 yilda boshqa hukmdor U Ti 3000 ga maydonda boshqa ulkan bog' yaratdi.

Ammo, qadimgi Xitoy bog'lari tarixi to'g'risida hech qanday haqqoniy ma'lumot bizgacha etib kelmagan, shuning uchun Xitoy bog'dorchilik san'atining bu tomoni haqida tarixan ancha keyingi namunalarga asoslanib gapirishga to'g'ri keladi