Mavzu: aerodromlarni loyihalash asoslari

Texnik xizmat
– passajirlar va yuklar tashishda transport ishining zaruriy
samaradorligini ta’minlash uchun HK larini ekspluatatsiya qilish jarayonida
amalga oshiriladigan texnikaviy va tashkiliy tadbirlar majmuasidir. Texnik
xizmat muayyan qoidalar asosida bajariladi; u qoidalar har qaysi tur HK siga
tegishli reglamentlarda ko‘rsatiladigan xizmatlar tizimini hosil qiladi.
Texnik xizmat ko‘rsatish tizimida ikkita muhim bo‘lakni ajratish
mumkin: profilaktika va ta’mirlash;
bular HK sini ekspluatatsiya qilish
shartlarini hisobga oladi va profilaktika ishlari ro‘yxatidan iborat bo‘lib,
ularni bajarish davriyligini ko‘rsatadi. Reglamentlar HK lariga profilaktik,
tezkor va davriy texnik xizmatlar ko‘rsatishni ko‘zda tutadi. Profilaktik texnik
xizmat rejali tartibda bajariladi va HK sining holati qandayligidan qat’iy nazar
uning konstruktiv elementlari va qismlarining ishlash qobiliyatini tekshiradi.
Tezkor texnik xizmatlar HK si perronda qisqa muddatli turganida, uchish
oldidan va uchishdan keyin ko‘rsatiladi. Davriy texnik xizmat HK sining
holatiga qarab yoki ma’lum vaqt uchganidan keyin ko‘rsatiladi.

---

Bosh reja
– Aeroport loyihasining eng muhim qismi hisoblanadi va jo‘qrofiy
o‘rnini ko‘rsatadi, shuningdek, reja va hududni obodonlashtirish kompleks
echimlarini, binolar, inshootlar, transport kommunikatsiyalari, muhandislik
tarmoqlari, havodagi harakatlarni boshqarish, radionavigaiya va qo‘nish tizimlari
uskunalarining joylashuvini, ijtimoiy-maishiy xizmatning tashkil qilinishini aks
ettiradi.
Bosh rejada bir-biri bilan bog‘liq bo‘lgan texnologik, shaharsozlik,
arxitektura-qurilishi, sanitariya va gigiena, ekologik, iqtisodiy va ijtimoiy
masalalar qanday hal qilinganligi ko‘rinib turadi.
Aeroport bosh rejasining tarkibi quyidagi omillar bilan aniqlanadi: aerodrom
uchish tasmalarining joylashuvi, shahar tomonidan kirib kelinishi, bino va
inshootlarning qurilish xarakteri, Aeroport ichidagi yo‘llar, transport yo‘llari,
maydonlar sxemasi, yondoshib keladigan temir yo‘l va avtomobil yo‘llarining
trassalangan ish shartlari, asosiy muhandislik kommunikatsiyalari, qurilish
uchastkalarining tabiiy sharoitlari. Bosh reja loyihalashga berilgan topshiriqqa
asoslab ishlab chiqiladi. Topshiriqda bo‘lajak Aeroportning klassi, demak yillik
tashish
hajmi,
harakat
jadalligi,
ro‘yxatdagi
HK
parki,
Aeroport
ekspluatatsiyasining texnologik xususiyatlari ko‘rsatiladi.

---