Mavzu №2. Kimyoviy analizning metrologik asoslari metrologiya haqida tushuncha

ANALIZ USULI

• Moddani analiz qilishdan oldin analizdan ko‘zda tutilgan maqsad va buyurtmachining qo‘ygan vazifasini aniqlashtirishi kerak. Shunga ko'ra analitik o'z ixtiyorida bo'lgan usullardan eng qulay, aniq, arzon, sezuvchanligi va selektivligi tekshirilayotgan moddani analiz qilish uchun yetarli bo'lgan usulni tanlaydi.
• Analiz usuli deganda, analizning negiziga qo'yilgan tekshirishning umumiy tamoyillari tushuniladi. Tanlangan usul muayyan metodikalar asosida analizni bajarishni ko'zda tutadi.
• Metodika — analizni bajarishning barcha shart-sharoiti, amallari va bosqichlarini batafsil qamrab oladi. Har qanday moddani analiz qilish uchun usul tanlashda tekshiriladigan moddaning obyekt tarkibida taxminan qancha miqdorda ekanligini bilish muhim hisoblanadi. Bu, ayniqsa, aniqlashning pastki chegarasini hisobga olish uchun zarurdir. Tanlanadigan usulning sezuvchanligi moddaning obyektdagi miqdoridan yuqori bo'lishi kerak. Turli xil usullar har xil sezuvchanlikka ega.