Maǵliwmatlar bazasi, olardiń TÚrleri tema: Maǵlıwmatlardın informaciyalıq modelleri Reje

Decision Support (DSS)/OLAP opciyası tańlansa baylanıslar sanı 20 dan aspaydı.
Online Transaction Processing (OLTP) opciyası tańlansa bir waqıttıń ózinde 500 ge shekem aktiv baylanıslar ornatıw imkaniyatın beredi.
Manual Setting opciaysı járdeminde server menen ornatılatuǵın baylanıslar sanın qoldan ornatıwǵa imkan beredi.
Decision Support (DSS)/OLAP opciyasın tańlap Next > túymesin basamız.

15-súwret. MySQL serverine bir waqıttıń ozinde múrajaat etiwi múmkin bolǵan baylanıslar sanın anıqlaw aynası
Keyingi aynada (16-súwret) tarmaq opciyaların sazlaw imkaniyatı beriledi.
Enable TCP/IP Networking opciyası tańlanǵan bolsa, TCP/IP protokolın paydalanıw imkaniyatı jaratıladı. Eger bul opciya tańlanbaǵan bolsa, onda tek lokal kompyuterde islew múmkinshiligin beredi.
Port Number opciası standart túrde 3306 portı saylanǵan halda bolıwı kerek.
Enable Strict Mode opciyası SQL rejimin ornatıw ushın qollanıladı.
Bul ayanadaǵı opciyalardı ózgerissiz qaldırıw usınıladı. Next > túymesin basamız.

16-súwret. Tarmaq hám SQL rejimi opciyaların sazlaw aynası
Keyingi qádemde shrift kodirovkasın sazlaw aynası (17-súwret) payda boladı. Bul aynada Standart Character Set, Best Support For Multilingualism hám Manual Selected Default Character Set / Collation opciayalarınan birewin tańlawımız kerek boladı.
Standart Character Set opciyası tánlansa, standart túrde Latin 1 kodirovkası ornatıladı. Bul kodirovkanı tek inglis hám batıs Evropa mámleketleri tillerinde ushırasatuǵın simvollardan paydalanatuǵın bolsańız tańlasa boladı.
Best Support For Multilingualism opciyası kópshilik tillerde ushırasatuǵın simvollardan (UTF8 kodirovkası) paydalanıw imkaniyatın beredi. Sol sebepli usı opciyanı tańlaymız.
Manual Selected Default Character Set / Collation opciyası járdeminde ózimiz islespekshi bolǵan kodirovkanı tańlay alamız.
Zárúr bolǵan kodirovkanı tańlap Next > túymesin basamız.

17-súwret. Shrift kodirovkasın tańlaw aynası
Keyingi qádemde MySQL serverin Windows operacion sistemasınıń xızmetshi programması sıpatında orınlanıwın támiyinewshi sazlamanı ornatamız (18-súwret). Bunıń ushın Install As Windows Service opciyasın tańlaymız. Eger Launch the MySQL Server automatically opciyası tánlansa, onda MySQL serveri Windows operacion sisteması iske qosılıwı menen avtomatikalıq ráwishte iske túsedi. Eger Include Bin Directory in Windows PATH opciyası tańlansa, onda MySQL serverin komandalıq qatarǵa kiritiw arqalı serverdi basqarıw imkaniyatın beredi. Zárúr opciyalardı tańlap Next > túymesin basamız.

18-súwret. MySQL serverin Windows operacion sistemasınıń xızmetshi programması sıpatında ornatıw hám MySQL serverin komandalıq qatar arqalı basqarıw sazlamaların ornatıw aynası
Keyingi qádemde server menen baylanıstı ornatıw ushın qáwipsizlik sharaların sazlaw aynası payda boladı (19-súwret). Ádette lokal MySQL serveri administratorı logini root boladı hámde server menen baylanıstı ornatqanda hesh qanday parol kiritilmeydi. Egerde server menen baylanıstı ornatqanda parolden paydalanbaqshı bolsańız, ModifySecurity Settings opciyasın tańlań taza parol ornatıń. Egerde qanday da bir sebeplerge kóre root administratorı rolinen basqa qosımsha paydalanıwshı jaratıw zárúrligi tuwılsa, onda Create An Anonymous Account opciyasın tańlań. Next > túymesin basamız.

19-súwret. Qáwipsizlik sazlamaların ornatıw aynası
Barlıq sazlamalardı ámelge asırǵannan keyin usı sazlamalardıń ornatılıwın tastıyıqlawdı sorawshı ayna payda boladı (20-súwret). Sazlamalardı iske túsiriw ushın Execute túymesin basamız hámde sazlamalar tolıq ornatılıwın kútemiz.

20-súwret. Sazlamalardı iske túrsiriw aynası
Barlıq sazlamalar tolıq ornatılǵanlıǵı haqqında maǵlıwmat beriwshi aynası payda boladı. Finish túymesin basıp aynanı jawamız.

21-súwret. Sazlamalar tolıq ornatılǵanlıǵı haqqında maǵlıwmat aynası