Maktabgacha ta’limda nutq madaniyati” fanidan o‘quv-uslubiy majmua

Mavzu yuzasidan savollar

1. 
   “Maktabgacha ta’limda nutqi madaniyati” fanining o’rganish obyekti nimadan iborat?
   
2. 
   Nutq madaniyati deyilganda nimani tushunasiz?
   
3. 
   Nutq madaniyati fani qaysi fanlar bilan uzviy aloqada?
   
4. 
   Uning maqsad va vazifasi haqida nima bilasiz?
   

TOPSHIRIQLAR

1-topshiriq. Matnni o’qing, so’ng adibning nutq madaniyati haqidagi fikrlarini sharhlab, ijodiy bayon yozing.

Har bir millatning dunyoda borlig’in ko’rsatadurg’on oyinai hayoti til va adabiyotidur. Milliy tilni yo’qotmak millatning ruhini yo’qotmakdur... Zig’ir yog’i solub, moshkichiri kabi qilub, aralash-quralash qilmak tilning ruhini buzadur. Bobolarimizga yetushg’on va yaragan muqaddas til va adabiyot bizga hech kamlik qilmas...

Umumiy milliy tilni saqlamak ila barobar xususiy og’iz orasidagi tilni ham saqlamak lozimdur. Chunki so’z insonning daraja va kamolini, ilm va fazlini o’lchab ko’rsatadurg’on taro-zusidir. Aql sohiblari kishining dilidagi fikr va niyatini, ilm va quvvatini, qadr va qiymatini so’zlagan so’zidan bilurlar. “Quruq so’z—quloqqa yoqmas”, demishlar.

Agar so’z aql va hikmatga muvofiq bo’lub, o’ziga yoki eshituvchiga bir foyda chiqaradurg’on bo’lmasa, asalari orasida g’ung’urlab yurgan qovoqari kabi quruq g’ung’urlamoq, faqat bosh og’rig’idan boshqa bir narsa emasdur. Boshimizga keladurgan qattig’ kulfatlarning ko’pi yumshoq tilimizdan keladur. Shuning uchun: “Ko’p o’yla, oz so’yla”, demishlar.

Tillarning eng yaxshisi so’zga usta til, so’zlarning eng yaxshisi bilib, oxirini o’ylab so’ylangan so’zdur.

A.Avloniy “Turkiy guliston yoxud axloq”dan.