Mafkura va geosiyosat

 

5-mavzu: Geosiyosat va mafkuraviy poligonlar 

 

 

 

Reja: 

1.  Geosiyosiy  maqsadlarni  amalga  oshirishga  xizmat  qiluvchi  omillar  ichida 

mafkuraning  o‘rni. 

2. Tahdidga javob berish muammosi. 

3. Tahdidga javobning asosiy yo’nalishlari. 

 

XXI  asrda  insoniyat  ko‘plab  murakkab  muammolarga  duch  kelmoqda.  Ularni 

shartli  ravishda  ikki  toifaga  ajratish  mumkin.  Birinchi  toifaga  o‘tgan  asrda  hal  etilmay, 

uchinchi  ming  yillikka,  bizga  meros  bo‘lib  o‘tgan  an‘anaviy  muammolarni,  ikkinchi 

toifaga  keyingi  vaqtda  mutlaqo  yangi  asosda  vujudga  kelgan  tahdidlarni  kiritish  mumkin. 

President  Islom  Karimov  ta‘kidlaganidek,  ―afsuski, bu tahdidlarni oldindan ko‘ra bilishga 

hamma  vaqt  ham  muvaffaq bo‘linmayotir. Ko‘pincha ular kutilmaganda ro‘y bermoqda‖. 

Shunday  ekan,  mazkur  masalaga  jiddiy  yondoshish,  teran  tahlil  etish  asosida  uning 

yechimini  topish  zarur.  Bu  o‘rinda  insoniyat  ushbu  muammoni  qay  darajada  anglab 

yetayotgani,  tahdidlar  qanday  oqibatlar  keltirib  chiqarishi  mumkinligini  qay  darajada 

tasavvur etayotgani  muhim  ahamiyat  kasb etadi. 

Tahdid  va  uning  siyosiy  jihatlari  dunyo  siyosatchilari,  davlat  va  jamoat  arboblari 

e‘tiborini  jalb  etib  kelmoqda.  Bu  o‘rinda  Reyshauer,  Nibur,  Xantington,  Kissenjer 

---

(AQSH),  Toynbi  (Angliya),  Turli  (Fransiya),  Moiseev  (Rossiya)  singari  olimlarni,  ―Rim 

klubi‖  va  Pagoush  tinchlik  harakati  kabi  tashkilotlar  faoliyatini  misol  tariqasida  keltirish 

mumkin.   

O‘zbekistonda  esa  muammoga,  uning  mazmun-mohiyatini  anglashga  bo‘lgan 

qiziqish  Prezident  I.A.Karimovning  mazkur  masalaga  oid  bir  necha  asarlarining  nashr 

etilishi,  ularda  ilgari  surilgan  g‘oya  va  fikr-mulohazalarning  jiddiy  o‘rganilishi  hamda  bu 

borada  o‘tkazilgan  baxs-munozaralar  bilan  uzviy  bog‘liqdir.  Sirasini  aytganda  ―tahdid‖ 

tushunchasining  o‘zi  ham  bizning  siyosiy  leksikonimizga  ilk  bor  Prezident  I.A.Karimov 

tomonidan  1994  yil  22  sentabrda  Oliy  Majlis  sessiyasida  so‘zlagan  nutqida  kiritilgan  edi. 

Ta‘kidlash  joizki,  davlatimiz  rahbarining  asarlarida  mamlakatimizga  huruj  qilayotgan 

tahdid  turlari,  manbalari  batafsil  tahlil  etilgan  va  ularni  bartaraf  qilish  yo‘l-yo‘riqlari 

ilmiy-amaliy  jihatdan  asoslab berilgan. 

Insoniyat  bosib  o‘tgan  tarixiy  taraqqiyot  tajribasi  shundan  guvohlik  beradiki, 

mamlakat,  jamiyat  hayotiga  nisbatan  xavf-xatarlar  ob‘yektiv  ravishda  hamisha  mavjud 

bo‘ladi.  Bu  hol  aslida  insoniyat  jamiyati  taraqqiyoti  xarakteridan  hamda  ijtimoiy  xavf-

xatarlar  omilining  ichki  mohiyati  bilan  belgilanadi.  Tahdidlar  aksariyat  hollarda  turli 

ijtimoiy-siyosiy  guruhlar  manfaatlari  o‘rtasidagi  ziddiyatlarga  e‘tiborsizlik  va  ularning 

vaqtida hal etilmagani  oqibatida vujudga  keladi.   

Shu  bois  xavf-xatar  omiliga  doimiy  ravishda  e‘tibor  qaratilgan,  muntazam  nazorat 

etib borilgan  hollarda u jamiyat  asoslariga jiddiy  xavf tug‘dirmaydi.   

Tahdidga  bevosita  javob  tariqasida  quyidagilarni  keltirib  o‘tish  mumkin: 

umummilliy  siyosiy  yetakchi  omili;  zudlik  bilan  aniq  siyosiy  qaror  qabul  qilish;  milliy 

xavfsizlikni  ta‘minlashga  qaratilgan  barcha  zarur  ishlarni  zudlik  bilan  amalga  oshirish; 

tahdid  va  unga  qarshi  chora-tadbirlar  mohiyati  va  yo‘nalishi  haqida  jahon  hamjamiyatini 

ogoh  qilish;  hokimiyat  organlari,  muassasalari  faoliyatining  uyg‘unlashuviga  erishish; 

tahdidga  qarshi  umummilliy  safarbarlikni  ta‘minlash;  OAV  orqali  tahdidga  oid  haqqoniy 

axborot  berib  borish  va  uning  millat  taqdiri  va  istiqboliga  qarshi  qaratilganini  targ‘ib 

etish;  xalqning  siyosiy  ongiga  tayanish;  umumxalq,  umumdavlat  birligini  oshirish;  tahdid 

va tahdidli  holatga  barham berish.  

Tahdid  –  inson  va  jamiyat  hayotiy  faoliyatini  qiyinlashtiradigan,  uning 

barqarorligi,  taraqqiyoti  va  xavfsizligini  ta‘minlashga  yo‘naltirilgan  ijtimoiy-siyosiy 

tuzilmani  zaiflashtirish,  ya‘ni  davlatning  konstitutsiyaviy  asoslarini  buzishga  qaratilgan 

va salbiy  oqibatlarni  keltirib  chiqaradigan  ijtimoiy-siyosiy  hodisadir.  

Tahdid  o‘ziga  xos  tuzilishga  ega  bo‘lib,  uning  shartli  ravishda  ijtimoiy  va 

geosiyosiy jihatlarga  ajratish  mumkin.