Kurs: I guruh(lar): Fan

Tasmasimon chuvalchanglar sinfi. Tasmasimon chuvalchanglar - tanasi kutikula bilan qoplangan; shakli uzun yassi tasmaga o`xshash parazit hayvonlar. Asosiy vakili qoramol tasmasimon chuvalchangi hisoblanadi.
Qoramol tasmasimon chuvalchangivoyaga yetgan davrida odamning ingichka ichagida, lichinkasi qoramol muskuli, jigari va boshqa organlarida parazitlik qiladi. Gavdasining uzunligi 8-10 m bo`lib, kichkina bosh, ingichka bo`yin hamda bo`g`imlarga bo`lingan tana bo`limlaridan iborat. Boshida doira shakldagi to`rtta so`rg`ichlari bor. Tanasi juda ko`p (1000 gacha) bo`g`imlargabo`lingan, hazm qilish organlari rivojlanmagan. Chuvalchang odam ichagida hazm bo`la boshlagan oziqni tana yuza»i orqali shimib oladi.
Jinsiy sistemasi ko`payishi va rivojlanishi. Jinsiy organlari tanasining hamma bo g`imlarida ko`p marta tal.rorlanib turadi. Har bir bo`g`imda bir juft tuxumdon, bitta bachadon va juda ko`p urug`donlar bo`ladi. Bachadoni tuxumlarga to`lgach, bir necha bo`g`imlari tananing keyingi qismidan uzilib, ichak bo`shlig`iga tushadi va axlat bilan tashqi muhitga chiqib ketadi. Tuxumlari yem-xashak yoki suv orqali qoramollarga yuqadi. Tuxumdan chiqqan lichinkalar ichak devoriorqali qonga o`tadi va qon orqali jigar, muskul va boshqa organlarga borib o`mashib qoladi. Lichinkalar organlarda yupqa pardaga o`ralib, pufaklik davriga o`tadi. Suyuqlik bilan to`lgan pufakcha finnci deyiladi. Finnali go`shtni yaxshi pishirilmasdan iste`mol qilgan odam uni o`ziga yuqtiradi. Odam - qoramol tasmasimon chuvalchangining asosiy xo`javini. qoramollar oraliq xo`jayini bo`ladi.