Kartashunoslik

kartalari»  tayyorlandi  va  nashr  etildi.  Mazkur  kartalar  masshtabi  1:1  000  000 
bo‘lgan  21  ta  kartadan  iborat  bo‘lib,  ularda  respublikamiz  qishloq  xo‘jaligiga  va 
uni  asosiy  tarmoqlari-dehqonchilik  va  chorvachilikka,  ularning  o‘ziga  xos 
tomonlari  va  xususiyatlarini,  tabiiy  va  sotsial-iqtisodiy  shart-sharoitlarini  hisobga 
olgan holda atroflicha kartografik tavsif berilgan.  
1981  yili  O‘zbekistonning  birinchi  «O‟quv–o‟lkashunoslik  atlasi»  chop 
etildi.  Atlas  loyihasi  O‘zbekiston  Milliy  universitetining  Geografiya  fakulteti 
jamoasi  va  O‘zbekiston  FA  ning  Geografiya  bo‘limi  va  umumiy  o‘rta  ta‘lim 
muassasalarining tajribali metodistlari bilan hamkorlikda yaratilgan.  
Tabiiy  va  sotsial-iqtisodiy  mavzudagi  kartalar  o‘zlarining  xajm  ko‘lami, 
kartaga tushirilgan ob‘ektlarning sifat xususiyatlarini miqdor ko‘rsatkichlari bilan 
to‘ldirilganligi,  analitik  kartalar  bilan  bir  qatorda,  O‘zbekistonning  faqat  o‘ziga 
xos, betakror jihatlarini tasvirlovchi kartalarning berilganligi, ularning o‘zaro bir-
birini to‘ldirishi va, eng asosiysi, kartalarning mavzui va mazmunini umumiy o‘rta 
ta‘lim  muassasalari  geografiya  kursi  dasturiga  va  darsliklariga  muvofiqligi  bilan 
ajralib  turadi.  Mazkur  atlas  keng  jamoatchilik  tomonidan  yuqori  baholandi.  U 
respublikamiz geografiyasi, tarixi va madaniyatini o‘rganishda o‘quvchilarga katta 
yordam berdi.  
Respublikamiz poytaxti- Toshkent shahrining 2000 yillik yubileyi munosabati 
bilan 1983 yili «Toshkentni geografik atlasi» chop etildi. Atlasning formati 25 x 
35 sm, asosiy kartalarining masshtabi 1:400 000 va 1:650 000. Atlas kirish va 6 ta 
bo‘limdan  iborat  bo‘lib,  u  48  ta  karta  va  sxemalarni  o‘z  ichiga  olgan.  Atlas 
Leningrad  (hozirgi  Sankt-Peterburg)  shahrining  (1977)  tarixiy-geografik  atlasidan 
keyingi sobiq Ittifoqda nashr qilingan ikkinchi – shahar atlasi hisoblanadi. Atlasda 
poytaxt va poytaxt atrofining tabiiy sharoiti, sanoati, qishloq xo‘jaligi, transporti, 
madaniyati  va  tarixiga  to‘liq  kartografik  tavsif  berilgan.  Ushbu  atlas 
respublikamizda  shahar  atlas  kartografiyasini  rivojlantirishga  asos  solib,  yaqin 
kelgusida  Samarqand,  Buxoro,  Xiva  kabi  qadimiy  shaharlarimizning  ham  bu 
tipdagi atlaslarining yaratilishiga yo‘l ochib bersa ajab emas.  
1985  yili  O‘zbekiston  Milliy  entsiklopediyasi  tahririyati  ikki  jildli