Jizzax politexnika instituti

“Chillak” о’yini

О’yinga tayyorlanish. О’yin о’tloq joyda yoki sport maydonchasida о’tkaziladi. О’yin uchun uzunligi 80-100 sm, diametri 2-2,5 sm bir uchi yassilangan tayoq (dasta) va uzunligi 20 sm tayoqcha - chillak kerak bо’ladi.

О’yinda 2 tadan 10 tagacha о’quvchi qatnashishi mumkin. О’yinni yakkamayakka о’ynasa ham, guruhlarga bо’linib о’ynasa ham bо’ladi.

О’yinning tavsifi. Oldingi chiziqdan 2 m nariga dasta qо’yiladi. О’yinlar chillakni yerda yotgan ana shu dastaning ustiga irg’itadilar. Chillakni birinchi bо’lib dastaga tegizgan о’yinchi о’yinni boshlash huquqiga ega bо’ladi. Buning uchun о’yinchi chillakni dastaning uchiga qо’yib turib yengilgina kо’tarib tashlashi va chillak qayta tushib, dastaga tegishi va yana sapchib kо’tarilib, qaytib dasta ustiga tushishi kerak. Chillak dastgohi bir tekkani uchun bittadan ochko beriladi.

О’yinchi shu tartibda necha ochko tо’plasa, u shuncha marta dasta bilan chillakni urib uni tо’g’riga otadi. Agar har bir otganda chillak 20-30 metr nariga borib tushsa, 3-4 ochko bо’yicha otilganda 90-100 metr masofaga yetkazilishi mumkin.

Yutqazgan о’yinchi yoki raqib guruhо’yinchisi ana shu masofaning hammasini yugurib о’tishi kerak. Bunda u nafas olmay yugurishi lozim. Chopib ketayotganida nafas olsa, usha joyda yana dasta bilan chillakni sakratib urib qaytadan chopib о’tiladigan masofa belgilanadi.