Jizzax politexnika instituti

“Tо’p tashlashish” о’yini

О’yinning tavsifi.О’ynovchilar guruhlarga bо’linib, uch yoki tо’rtta davra hosil qiladilar. Har bir davrdagilar о’z oralarida yozilgan qо’l sig’adigan joy qoldiradilar. О’yinchilar oyoqlarning uchi oldidan aylana chizilib, unda onaboshi voleybol yoki tо’ldirma tо’pni ushlab turadi. U rahbarning ishorasi bilan о’z atrofidagilarga, ya’ni о’yinchilarga tо’pni navbat bilan irg’itadi va ular qaytargan tо’pni ilib ola boshlaydi. Onaboshi davradagi oxirgi о’yinchi qaytargan tо’pni ilib olganidan keyin uni baland kо’taradi. Bu bilan u tо’p tashlashish tugaganligini bildiradi.

О’yinning qoidalari. 1. Tо’p tashlashish paytida onaboshi о’zining doirachasidan chiqmasligi, davra bо’ylab turgan о’yinchichlar esa aylana chizig’ini bosmasliklari kerak. 2. Tо’pni ilib olish va qaytarishda davrada turgan barcha о’yinchilar navbat bilan qatnashishlari lozim. 3. Tо’pni tushirib yuborgan о’yinchi uni borib olishi va о’yinda belgilangan tartib bо’yicha davradagi о’rtog’iga irg’itib tashlashi kerak.

Eslatma. Ishtirokchilar о’yinni yaxshilab о’zlashtirib olganlaridan keyin tо’p tashlashni yaxshi va tez bajarish bо’yicha davralararo musobaqa о’tkazish mumkin. Bunda tо’pni yerga kamroq tushirgan yoki tо’p tashlashishni boshqalarga qaraganda tezroq tamomlagan davra о’yinchichlari yutib chiqadi.

Tо’pni turli shakldagi yengil narsalar, masalan, estafeta tayoqchalari, archa bujuri, qipiq yoki qum tо’ldirilgan xaltacha va hokazolar bilan almashtirish mumkin.

О’yining о’ziga hos harakatlari tо’p yoki boshqa narsalarni irg’itish va ilib olishdir.