1 – amaliy mashg‘ulot.
Mavzu: Elektr yuklama grafiklarini harakterlovchi kattaliklarni hisoblash.
(4-soat)
Ushbu uslubiy ko’rsatmada, amaliy mashg‘ulotlarni hisoblash uchun foydalaniladigan boshlang‘ich ma’lumot sifatida «Jizzax temir-beton buyumlari» korxonasining tarixi, sexlarining texnologik jarayoni va nominal quvvatlari, hamda korxona miqyosida sexlarni joylashganligining bosh plani keltirilgan.
«Jizzax temir-beton buyumlari» korxonasining tarixi
Qurilish mollarida rivojlanish ehtimolini qondirish maqsadida, mamlakatimizda eski korxonalarni rekonstruktsiya qilib, yangi zamonaviy korxonalar qurilmoqda.
Sanoat korxonalarining rivojlanishida mahalliy xom-ash’yodan foydalanish muhim ahamiyatga egadir. Mahalliy ko‘mir hovuzini tashkil etishda minerallarga boy bo‘lgan yerlarni va ikkilamchi kulrang toshlar boshlang‘ich xom-ash’yo sifatida kerakli buyumlarni ishlab chiqarishida ishlatilgan.
« Jizzax temir-beton buyumlari» korxonasi qurilish ishlarini 1975 yildan boshlab 1979 yilda yakunladi. Zavodda quyidagi qurlish maxsulotlari ishlab ishlab chiqarila boslandi:
- pol uchun plita;
- fasadli plita;
- devor ichida qo‘yuvchi plitalar;
Hozirgi vaqtda kombinat 3 ta asosiy qismga egadir, ya’ni plitali sex, sirt-qoplovchi va bulardan tashqari keng iste’mol uchun yordamchi sexlar kiradi.
« Jizzax temir-beton buyumlari» korxonasi sexlarining texnologik jarayonining umumiy xarakteristikasi
Kaosin loyi temir yo‘llar orqali zavodning maydalash sexiga olib kelinadi. Bu sexda kaosinni maydalab-yanchib suspenziya ko‘rinishida keltiradi va sirt-qoplovchi sexga jo‘natiladi. Keyin suspenziya aralashtiriladi va truba yo‘llar orqali kukunga aylantiriladigan o‘rnatgichga o‘tadi. Kukun holda mahsulot bunkerga tushadi. U erda 8 atmosfera bosim ostida presslashadi, keyin plita o‘rnatgichga o‘tadi. U erda 8000S harorat ostida toblanadi. Plita o‘rnatib qizdirilganidan so‘ng, glazurlashadi va qayta qizdirish uchun sachratish usulidan foydalaniladi. Tayyor plita yog‘ochli yashikda qadoqlanadi va tayyor-mahsulotlar omboriga o‘tkaziladi. Bu tayyor mahsulot hisoblanadi.
Kombinatda qo‘shimcha sexlar ham mavjud (mexanik ta’mirlovchi, qurilish, transportli va boshqalar).
« Jizzax temir-beton buyumlari» korxonasi, Jizzax shaxridagi 110/10 kV li podstansiyasidan elektr energiya oladi. 110 kV li podstansiya tomonida 2 ta blok sxemasi va bog‘lovchi qurilmasi bilan ta’minlangan.
Elektr ta’minotining ishonchliligiga qo‘yiladigan talablarga qarab elektr iste’molchilar quyidagi 3 ta toifalarga bo‘linadi.
I toifali elektr iste’molchilariga elektr ta’minotidagi uzilish kishilarning hayotini xavf ostiga qo‘yadi, xalq xo‘jaligi uchun katta zarar keltiradi, qimmatli qurilmalarni buzilishi va ko‘plab xom-ash’yoni isrofga chiqishiga, murakkab texnologik jarayonni uzoq vaqtga izdan chiqishiga, kommunal xo‘jalikning eng muhim jabhalarida ishning buzilishiga olib keladi. I toifali elektr qabul qiluvchilar elektr energiyasini kamida ikkita mustaqil ta’minlash manbalaridan olishlari shart va ularning elektr ta’minotidagi uzilish vaqti, zaxiradagi manbani avtomatik ravishda ulashga ketadigan vaqt bilan belgilanadi.
Ushbu toifadagi elektr iste’molchilarga mustaqil manba sifatida ikki elektr stansiyasi yoki podstansiyalarning taqsimlash qurilmalarini ishlatilish mumkin.
II toifali elektr iste’molchilarning elektr ta’minotidagi uzilishi ko‘plab mahsulotlarni ishlab chiqarilmasligiga, ishchilarning ommaviy turib qolishiga, mexanizmlar va korxona transportini ishlamasligiga, shahar va qishloq aholisining ko‘p qismining normal faoliyatini buzilishiga olib keladi. II toifadagi elektr iste’molchilar korxonalarda eng ko‘p qismni tashkil qiladi. Ularning elektr ta’minotini ikkita mustaqil elektr manbalar orqali bajarilishi tavsiya etiladi. II toifali iste’molchilarda elektr ta’minotidagi uzilish vaqti zaxiradagi manbani navbatchi shaxs yoki maxsus brigada faoliyatining ulashga ketadigan vaqti bilan, ya’ni uzilish vaqtini 1 soat deb belgilangan.
Do'stlaringiz bilan baham: |