Jinoyat protsessual huquqi modulidan 1-variant

Jinoyat protsessual huquqi modulidan
20-variant
1.Surishtiruvchi va tergovchi gumon qilinuvchi yoki ayblanuvchini birinchi marta so‘roq qilishdan oldin qanday harakatlarni amalga oshirishi lozimligi bayon qiling hamda mazkur harakatlar amaliyotda qanchalik darajada amalga oshirilyabdi deb o‘ylaysiz.
2.Ekspertiza tayinlash va o‘tkazish shart bo‘lgan xolatlarni tahlil qiling. Sizningcha yana qanday holatlarni ekspertiza o‘tkazishning shartliligiga kiritish mumkin. Buning amaliyotda dolzarblik jihatlarini ko‘rsatib bering.
Kazus
2017- yil 18- aprel kuni “Yunusobod” to‘yxonasidan chiqib, uyiga qaytayotgan fuqaro F.Boltaevani hech qaerda ishlamaydigan fuqaro Z.Axmedov to‘xtatib, unga qarshilik ko‘rsatish befoydaligini, o‘zining giyohvand ekanligini, shu sababli, yonidagi barcha qimmatbaho buyumlarini berishini, agar rozi bo‘lmasa unga yonidagi pichoq bilan zarar etkazishini aytib taxdid qilgan.
Ushbu holatdan qo‘rqib ketgan fuqaro F.Boltaeva hamma qimmatbaho taqinchoqlarini, sumkasini, telefonini Z.Axmedovga topshirishga majbur bo‘lgan.
Hamma narsasini berib bo‘lgach, Boltaeva voqea joyidan qochib ketib, yo‘lda uchragan birinchi IIB xodimiga bo‘lgan voqeani aytib bergan. IIB profilaktika inspektori Sh.Shokirov voqea joyiga etib borib, o‘sha erda giyohvand moddasi iste’mol qilib o‘tirgan noma’lum shaxsni ushlab, unga o‘zini tanishtirib, hujjatlarini ko‘rsatib, zarar etkazishi mumkin bo‘lgan pichoqni o‘sha shaxsda shaxsiy tintuv o‘tkazib olib qo‘yadi.
Mazkur holatga Jinoyat-protsessual qonunchiligiga asoslangan holda huquqiy baho bering.

Jinoyat protsessual huquqi modulidan
21-variant
1.Aybini bo‘yniga olish to‘g‘risidagi arzning o‘ziga xos xususiyatlari va protsessual tartibini bayon qiling. O‘zbekiston Respublikasi Jinoyat protsessual kodeksida “aybini bo‘yniga olish to‘g‘risidagi arz og‘zaki yoki yozma bo‘lishi mumkin degan qoida mavjud” Mazkur qoidaga qanday o‘zgartirish kiritish taklifini bera olasiz.
2.Qamoqqa olish va uy qamog‘i ehtiyot chorasining o‘xshash va farqli jihatlarini bayon qiling. Sud tomonidan sudlanuvchiga nisbatan ozodlikdan mahrum qilish bilan bog‘liq jazo tayinlanganda qamoqqa olingan yoki uy qamog‘ida o‘tirgan sudlanuvchining jazoni o‘tash muddatlari qanday hisoblanadi?


Kazus
2012- yil 04- sentyabr kuni Toshkent shahar CHilonzor tumani Bunyodkor shoh ko‘chasida joylashgan “JIZ-BIZ” kafesida fuqaro A.Lazizov va A.Erkaevlar o‘rtasida o‘zaro kelib chiqqan janjal natijasida A.Lazizov o‘rtacha og‘ir tan jarohati olgan.
2012- yil 05- sentyabr kuni surishtiruvchi A.Erkaevga nisbatan O‘zbekiston Respublikasi JKning 105-moddasi 1-qismi bilan jinoyat ishini qo‘zg‘atadi.
Surishtiruv o‘tkazish davomida A.Erkaev O‘zbekiston Respublikasini aylanma yo‘l bilan chiqib ketganligi aniqlanadi. Natijada 2012 yil 15 sentyabr kuni surishtiruvchi 10 sutkalik muddat tugaganligi sababli tergovchiga jinoyat ishini beradi. Tergovchi gumon qilinuvchi A.Erkaevga nisbatan qidiruv e’lon qilish to‘g‘risida qaror chiqaradi. Shundan so‘ng 2012- yil 18- sentyabr kuni tergovchi jinoyat ishini to‘xtatish to‘g‘risida qaror chiqardi.