Jamurad yangiboyevich, amirov

2.  Homila  oldi  davri  –  ovqat  hazm  qilish,  qon  aylanish  tizimlari, 
muskullar,  o‘q  va  atrof  skelet  shakllanib,  suyaklashish  jarayoni  kechib,  sut 
bezlari  paydo bo‘ladi. Homila asosan bachadon suyuqligi bilan oziqlanadi. Bu 
davr qoramollarda-26, qo‘y va cho‘chqalarda-17 kun davom etadi. 
3.  Homila  davri  –  homila  to‘liq  shakllangan,  plasentaga  yopishib  ona 
qonidagi  moddalar  hisobiga  yashaydi.  Vazni  va  o‘lchamlari  jadal  ortadi; 
skeletning  suyaklashishi  va  o‘sishi,  to‘qima  va  a’zolarda  murakkablashishi 
davom  etadi,  miya  yarim  sharlari  va  harakat,  nafas  olish,  harakatni  boshqarish 
miya  markazlari  rivojlanadi;  jun  qoplami  paydo  bo‘ladi.  Qoramollarda-220, 
qo‘ylarda-100, cho‘chqalarda-80 kun davom  etadi. 
Embrion  murtak  va  homila  oldi  davrida  jadal  o‘sadi.  Qoramollarda 
bug‘ozlikning  birinchi  oyida  homila  600  marta,  ikkinchi  oyida  43,3  marta 
ortgani holda 9 oyda faqat 1,4 marta ortadi xolos. 
Bu davrda asosiy qonuniyat davr  o‘tishi bilan o‘sish tezligi pasayib boradi. 
Embrional davrning  oxirida homila tug‘ilib, organizm  butunlay yangi sharoitda  
yashashga majbur bo‘ladi,  ya’ni postembrional davr boshlanadi.