Iv-kurs talabasi bekjanova ayzada dawletbaevnaning bitiruv malakaviy ishi

3.5.2. Jun qoplamining quyuqligi.

Jun qoplamining quyuqligi teri yuzasidagi tolalar miqdori bilan belgilanadi. Mayin junli qo’ylar terisining 1mm² yuzasida 72 – 75 tagacha, qorako’l qo’zilari terisida esa 18 – 65 tagacha jun follikulalari bo’ladi.

Tolalarning ingichkaligi bir xil bo’lsa ularning quyuqligi o’siqligiga tasir etmaydi. Birinchi nav terilar xamisha quyuq bo’ladi.

Jun tolalari qoplamining quyuqligi qorako’l terilardagi jingalaklar sifatining muxim Ko’rsatkichi xisoblanadi. Bu Ko’rsatkich paypaslab ko’rish yoki 1mm² teri yuzasidagi tolalarini sanab chiqish yo’li bilan aniqlanadi.

Jun qoplami juda quyuq bo’lgan terilarda jingalaklar qiyishqoq, pioshiq va choklari tor bo’ladi; terida jingalaklarning joylanish naqshi ko’rinib turadi. Jun qoplami quyuq bo’lsa, jingalaklar qayishqoqligi va pshiqligi o’rtacha bo’lib, choklar aniq ko’rinib turadi, jingalaklarning joylanish naqshi nixoyatda aniq bo’ladi. Tolalar qoplami quyuqligi yetarsiz bo’lsa jingalaklar bo’sh, uncha qayishqoq emas, teri to’qimasi qo’lga unab turadi. Teri junsizdek tuyuladi.

Mayin jingalakli quruq tuzlangan qorako’l terilarining 1mm² yuzasida o’rta xisobda 52 dona, o’rta jingalakli terilarda 49 dona va yirik jingalakli terilarda 43 dona tola bo’ladi.

Embrion terilarida junning quyuqlik darajasi undagi gul turlari, junlarning tuzilishi va ipaksimonligiga junning qiltiq va tivit junlarning ko’p ozligiga, jingalaklanish shakliga, moy – teri miqdariga bog’liqdir. Teridagi junlar o’rtacha quyuq bo’lsa uning navi yuqori bo’ladi, gullari, jingalaklari aniq ifodalanadi. Jun tolalarining quyuqligi 3 – xil bo’ladi: juda quyuq, quyuq, yetarsiz yoki siyrak.