Ishtirok etuvchilar

Ofeliya

Xo'p, ota!

(Ketadi.)


TO'RTINCHI SAHNA

Yana u erda, qasr oldida maydoncha, Hamlet, Gorasio va Marsell kirib keladilar.

Hamlet

Izg'irin achitmoqda! Sovuqni qarang!

Gorasio

Qishdagiday ko'p yomop chimchilayapti.

Hamlet

Soat necha bo'ldikan?

Gorasio
Sal kam o'n ikki.

Marseld

Yo'q. Oshgandir. Jom chaldi.

Torasio
Chaldimi? durust.
Unday bo'lsa arvohning kelish muhlati
Yaqinlashib qolibdi.
Karnay va to'p otish sadolari.
Bu nima, shahzoda?

Hamlet

Qirol yotmay, kayf surar to sahargacha,

O'yinbozlik, mayxo'rlik qilar tun bo'yi.
Reyn sharabin qadahlab sipqarib olgach,
Zambarak va karnaylar e'lon qilishar
Uning shijoatini.

Gorasio_Bu_ham_odatmi_Hamlet'>Gorasio
Bu ham odatmi?
Hamlet

Ha, shundayroq, ey, hayhot! bu odatlarni —

Hurmat qilmoqdan ko'ra, unutmoq ma'qul.
Sharqu g’arbga dong otgan mayxo'rligimiz
Yot ellarda qilibdir bizni sharmanda,
Bizni kmayxo'ra deydilar, kto'ng'iza deydilar.
Bu laqablar chindan ham isnod keltirar
Sha'nimizga sharafu xizmatimizga.
Ba'zi odamlarda ham bu hol uchraydi,
Masalan, tug'ma bir dog' bo'lur tanida,
(Zotan uning gupohn emas bu, chunki
O'zi tanlab olganmas ota-onasin)
Yoki birav g'alati ko'rinar ko'zga,
Yoki muomalada qusuri bo'lur,—
Bunday kichik nuqsonlar xullasi kalom
(Naslidan yo o'zidan, qaydan bo'lmasin)
Odamlarning ko'zida kishini tamom
Bir pulga chiqaradi. Vaholonki, u –
Inoyati-ilohiy singari toza
Himmatlarga egadur, jo'marddur balki.
Endi qarang, bema'ni yomon bir qatra
Bulg'ab qo'yar oliyzot yaxshiliklarin.
Achinarli emasmi.

Gorasio
Qarang, Shahzoda
Arvoh kirib keladi.

Hamlet

Ey ilohiy azizlar, najot beringiz!

Sen ruhn-yazdonmisan, yo zilli-shayton,
Jannatning nafasimi, yo bodi-do'zax.
Niyatingda savobmi yoki jinoyat,
Bu kelishing men uchun cho'pchak — muammo.
Shu sababli tergashga majburman seni,
Seni qanday atayin: padarim, Hamlet,
Daniyaning qiroli, hukmdor, gapir1
Meni g'aflat ichida qoldirma. So'yla,
Nega erga ko'milgan suyaklaringning —
Qafanlari yirtilgan" nega qo'ynida
Seni quchgan tobuting esnamoq bo'lib,
Oyadi toshlik jag'larin, irg'itdi seni —-
Nechun jonsiz jasading sovut — yaroqli
Oydin tunda yuradi ko'p vahimador?
Nechun bizday devona maxluqlarni sen
Matallarga chulg'aysan, qaltiratasan
So'yla nechun) sabab nez bizga ne yopa?
Arvoh imlaydi.