Iqtisodiyot nazariyasi, tarix va huquq

AM = O’MM – UMA + UMQ + UMK

Bu yerda,

O'MM – o'z mablag'lari manbai (passiv 1-bo'lim yakuni) UMA – uzoq muddatli aktivlar (aktiv 1-bo'lim yakuni) UMQ – uzoq muddatli qarzlar

UMK – uzoq muddatli kreditlar

Aylanma mablag'larni elementlari bo'yicha quyidagilarga ajratish mumkin: ishlab chiqarish zahiralari, tugallanmagan ishlab chiqarish, tayyor mahsulot, pul mablag'lari, debitorlik qarzlari.

Likvidliligiga qarab, ya'ni aylanma mablag'larning pulga aylanish tezligiga qarab: mutloq likvid mablag'lar, tez sotiladigan aylanma mablag'lar, sekin sotiladigan aylanma mablag'larga bo'linadi.

Kapital sarflashning tavakkalchilik, risk darajasiga qarab quyidagi guruhlarga ajratish mumkin:

-minimal riskli aylanma mablag'lar: pul mablag'lari va qisqa muddatli moliyaviy qo'yilmalar;

-kam riskli aylanma mablag'lar: debitorlik qarzlari (muddati o'tgan, shubhaliliardan tashqari),ishlab chiqarish zahiralari (turib qolganidan tashqari) tayyor mahsulot va tovarlar qoldig'i (talab yo'qlaridan tashqari);

-o'rta riskli aylanma mablag'lar: arzon va tez eskiruvchan buyumlar, tugallanmagan ishlab chiqarish, kelgusi davr xarajatlari;

-yuqori riskli aylanma mablag'lar: shubhali debitor qarzdorligi turib qolgan ishlab chiqarish zahiralari, talab bo'lmagan tayyor mahsulot va tovarlar.

Korxonaning moliyaviy holati ana shu aktivlarga joylashtirilgan mablag'larnig qanchalik real pulga aylanishiga bog'liq.